Pâuz tsênhz txos hloz Hôx têx luk kriê “Canr bôv zos kror xuz thơưx hâur uô cxuô kror hâux lưv”, “Cxuô kror hâux lưv uô tâu lok tsik tâu puôr lênhx sêiz sêz car bộ puôk jông thiêz txơưx”, Hôiv LHPN tỉnh Lai Châu tsov cưv txos kriê nzir trâu canr bôv ntơưv thax tsav qơư cov txơưx, sik côngv siêz, txơưx xar tơưv, cxiv tsa thax tsav qơư hênhr. Txix shông 2020 txos nhiv no, cxuô cấp hôiv sik côngv tsưr tsix 70 lớp kriê nzir txux chi uô hâux lưv, lý luận chính trị trâu 3.500 ntâu canr bôv hôiv ntơưv thax tsav qơư; tsưr tsix 47 lớp cơưv shâuv sir zôngv công nghệ thôngz mông sâuv chor fanpage, zalo trâu xar muôx 1.500 lênhx canr bôv hôiv cxuô cấp; paz trực tuyến, paz ciês sâuv nền tảng sôr trâu 3.000 lênhx canr bôv hôiv cấp huyện thiêz ntơưv cxuô thax tsav qơư”./.

VOV4-Lik Thox cxêik nhênhv

Dưv anr “huôv tsar uô Kôngz-jôngr nuv uô cê truôx nhoz tox siêz” zos Hội đồng nhênhz chơưv huôv tsar truôx Thụy Điển thiêz Hội nhênhz chơưv Thụy Điển chơưv paz, tâu fuô uô qir txix hli 1/2020. Dưv anr muôx tsêr cơưv Đại học khoa học kôngz nuv Thụy Điển thiêz Tsưr tsix Nhênhz chơưv Kôngz jôngr nuv ntiêx têz ntơưv Việt Nam đros têx lênhx sik hux jos Việt Nam ntơưv chor tỉnh Điện Biên, Sơn La, Yên Bái...cxaz chuôz. Xav hur si têx nhiêx txiêx yưv uô dưv anr tas muôx 3 tsov USD, xar muôx 300 ha hâur thax tsav 3 tỉnh đros thiêz zuôr xar 600 chuôz zis cxaz chuôz thiêz tâu buôk ti sơưv liv. Đhâu 3 shông ntâu fuô uô, dưv anr tưz muôz cêr huôv tsar uô nox truôx trâu ntâu chuôz zis tsôngv box hâur thax tsav têx tỉnh tox siêz Tây Bắc; paz tsôngv box pâuz tsênhz lok kôngz jôngr nuv li pưs txux sik côngv huv đros trâu phax tir thêir ntux têx txơưr txar. Tiến sĩ La Nguyễn, seiz car dưv anr ntơưr Việt Nam heik:“Dưv anr li têx zov chênhr hâur ntu zuôr txos zos muôz têx zuz ntông nox txir jông thiêz yiêz lok chos chiê sâu đê tâu nju đuô pir li têx tsoz chos nox txir txơưr đuô. Pêz zuôr uô jông đuô thiêz luôs hâux lưv co chiê sâu tâu ntâu đuô, muôs tâu gri. Chiê pêx xênhv muôx têx hlôngr yiêz tâu tsưr ziv huôv tsar uô nox uô hnar”./.

                                                                                  Vũ Lợi-Riê Lâux cxeik, nhênhv

Chủ tịch Ủy ban tỉnh Lào Cai tưz muôx ntâuz ntơưr chox kriê Sở, nganhx, thax tsav qơư nhênhz chơưv, hêik pâuz tsênhv njiêz chiê uô tâu jông cêv kuôk chor trôngx đriv sâuv thax tsav ntu 2021-2030 lơưr Thủ tướng Chinhr phuv li Cuêz tênhv. Lơưr co, hâur 2 ciêz, Sở Tsưr ziv thiêz Yưv pênhr tỉnh Lào Cai zuôr sêiz shuôk, sik côngv chiê tổng hợp, hêik pâuz trâu Ủy ban tỉnh têx tsênhv njiêz cik txos xưk li cêv kuôk, kho đuô thax tsav trôngx đriv, bax ar, hu grus yưv pênhr… Đrâuv gơưv trôngx đriv ntiêx têz cêr ar Lào Cai-Hà Khẩu tưz tâu muôz lok sir zôngv, tỉnh Lào Cai zuôr muôx nzir gơưv trôngx đriv ntiêx têz tâu kriz đar thiêz kho jông đuô, zos gơưv trôngx đriv Mường Khương-Kiều Đầu thiêz Bản Vược (Bát Xát)-Pả Sa. Tas nro puôr lênhx nhoz sâuv ntu cêr ntus đriv Việt-Trung, ntu buôs ti nhoz Lào Cai (Việt Nam) đros Vân Nam (Trung Quốc)./.

An Kiên-Lik Thox cxêik nhênhv

Luôs hâux lưv tu zus mur zuôr jiz ntơưv tỉnh Sơn La tưz huôv tsar uô tâu jông hâur têx shông jê lok no. Têx jiz mur iz shông muôz tso tâu 3.200-3.500 tênhr..... Xav nhiêx txiêx sâu tâu txix jiz mur thiêz kuôr chiêz mur uz no tâu 230-250 tyv đeiv iz shông. Tas nro tỉnh nhiv no muôx 48 chi hội tu zus mur li heik sâuv, 2 cxênhz ntâu lênhx nênhs đros zus; muôx 7 HTX, qơư tsiv uô, zuôr muôs jiz mur. Têx chuôz zis tu zus mur zuôr jiz tưz uô lơưr tsưr ziv zus yiêz, uô nzir qơư trâu mur nhoz, uô jiz. Tsưr ziv uô co jông đuô pir li tu zus thâuv ntêx, viv chor mur vav jông đuô thiêz muôx jiz đuô. Thâuv tso muôz jiz, lênhx nênhs tu zus cux tsi yuô phiv liv thiêz tsi uô ruôr hiêv txos têx mur hâur thôngz. Chênhr zos li co, chor jiz mur cux tsư ha thiêz nox kaz đuô pir li tu zus thâuv ntêx./.

                                                                      Thanh Thủy-Riê Lâux cxeik, nhênhv