Ntâu thax tsav qơư têx xiv huv cà phê, tsôngv kruô tuôx ndis uô si cux tâu hâuk siv têx cà phê hâur hnuz kriz ntênhs hội cà phê tỉnh Sơn La-ntênhs hội lox đuô hur si faz Bắc jiês xuz thơưx tâu tsưr tsix txix hnuz 20-23/10. 39 taz viv, doanh nghiệp, thax tsav hâur Sơn La thiêz 2 chas tỉnh li: Hưng Yên, Ninh Bình, Yên Bái, Hà Nội, Đăk Lăk, Gia Lai....100 qơư muôs têx xiv huv cà phê, kôngz nuv, zav nox…. ntơưv Hội ciêz piêr kriê “cà phê Sơn La-sik côngv, sik đros huôv tsar”. Pos Vi Thị Tâm, Phưv Giám đốc Công ty cà phê Sơn La heik:“Pêz têx xiv huv cà phê li: Cà phê nôngz, cà phê ciz, cà phê jov uô hmôngr...tâu tsiv uô txix 100% têx nôngz cà phê Arabica muôx suôz bê, uô tâu trơưk li cui tinhv xiv huv hur jông . Đhâu co, pêz vav chiê siêz zuôr muôx ntâu tus chôngz lênhx hâur côngv thôngx, nênhs sir zôngv hâur têz qơưk thiêz sâuv ntiêx têz pâuz txos têx xiv huv cà phê Sơn La”./.   

Lê Hạnh-Riê Lâux cxeik, nhênhv

Txix hâur shôngk shông txos nhiv no, tas nro tỉnh Lào Cai muôx zuôr xar 600 lênhx nhuôs zâu tâu xênhz zus zos chor pox niêv tsik tâu muôx 18 shông têx mê nhuôv, phênhv ntâu zos hâur tsôngv box Hmôngz nhoz tox siêz. Kror no uô phiv liv txos tas nro trâu lênhx niêv thiêz chor nhuôs txix tsoz phưz, tsơưr lươngv dân sôr txos trâu huôv tsar hâur ntu tov ntêx no. Viv li, tas nro cxiv luôs chinhr triv tsuv sir jos đros uô. Ciês lok dân sôr, Chi cục Dân sôr thiêz Tsưr ziv xênhz zus nhuôs hâur chuôz zis tsênhv kriz uô 27 tsưr ziv phax, tar siz zuôr nzor, siz zuôr cxênhz jê, cux tưz paz muôx tâu ntâu kror jông. Zơưv Phạm Hồng Thanh, Phưv Chi cục trưởng Chi cục Dân sôr-Tsưr ziv xênhz zus nhuôs hâur chuôz zis tỉnh Lào Cai puz pâuz:“Kaz shông tsêiz no thiêz shông no pêz kriz uô nzir oz luôs hâux lưv nhoz xar Lùng Cải thiêz Tả Củ Tỷ, huyện Bắc Hà. Pêz cux sir jos uô chor jiês cơưv yax kriê, piêr pâuz cêr chêi têz qơưk. Nhiv no tưz kriz uô tâu 2 jiês cơưv lơưv, hâur hli zuôr txos pêz zuôr kriz uô 2 jiês cơưv thiêz. Txix co sir jos uô truôx jông luôs hâux lưv tso tơưv chiê txo grêk tsơưs siz zuôr nzor, siz zuôr cxênhz jê ntơưv têx qơư phiv liv nhoz Lào Cai”./.

An Kiên-Lik Thox cxêik nhênhv

Sơn La uô lơưr dưv anr “tsoz phưz đas jos trâu têx tuz nxeik hluôk hâur tỉnh ntu 2021-2025”.

Dưv anr co zos Chính phủ Canada chơưv paz thôngz đhâu Tsưr tsix HealthBridge ntơưv Việt Nam. Dưv anr tâu fuô uô txix hli 1/2022 txos tas hli 9/2025, trâu ntơưv têx xã, phường, tsêr cơưv hâur thax tsav TP Sơn La, ntơư zos: Xã Chiềng Đen, xã Chiềng Ngần, phường Chiềng Lề, phường Chiềng Sinh thiêz têx tsêr cơưv li: Tsêr cơưv cxênhx 2 thiêz cxênhx 3 Nguyễn Du, tsêr cơưv phổ thông Dân tộc nội trú tỉnh, tsêr cơưv cxênhx 2 Nguyễn Trãi, tsêr cơưv cxênhx 3 Chiềng Sinh. Txix hâur shôngk shông txos nhiv no, Tsênhv qơư y tế TP tưz hux jos đros uô têx hâux lưv yax kriê thôngz đhâu loa nta suôz hâur têx tsêr cơưv; tsưr tsix 40 jiês buôk ti yax kriê txos trâu iz cxênhz lênhx nênhs hâur têx jêx jok. Đhâu têx luôs hâux lưv uô li heik sâuv chiê chuôz tsar têx lênhx pox niêv, nhuôv nxeik li tsưr ziv jênhv pâuz, paz txo grêk tsơưs siz zuôr nzor, xênhz zus nhuôs tsi tâu txưv shông, phax txar jav têx tsi jông, têx moz txơưx siz cik đhâu nox nhoz, pư uô cê./.

                                      Bích Thủy-Riê Lâux cxeik, nhênhv

Hâur kriz uô ciêz Vênhx huôv, Thể thao thiêz Du lịch huyện Tủa Chùa shông 2023, nhiv kruôr đhâu, Ủy ban huyện Tủa Chùa, tỉnh Điện Biên tưz tsưr tsix jiês hêik pâuz thiêz muôz ntơưr cungz jênhv di sản vênhx huôv phi vật thể Têz qơưk trâu tsôngv box Hmôngz li hâux lưv ntâuk hlâu.

Tsôngv box Hmôngz nhoz Điện Biên muôx ntâu hâux lưv uô cxôngx nzor hêik tơưv tâu têx vênhx huôv mênhx cxưx jông li ntâuk hlâu, uô têx zav trax, ndak…, uô ntâuz trâur lâus, xơưk tsôngk yo… Hâur co ntâuk hlâu zos iz hâur têx hâux lưv uô cxôngx nzor, đros đrêiv pox nhuôs luz nênhx, uô nox. Nhiv no, tsôngv box Hmôngz luz nênhx cux tưz muôx ntâu hlôngr yiêz, ntâu zav chuôz zênhx hâur tsêr cux zôngx ziv zuôr tâu ntơưv têx ciêz, taz sik pox nhuôs cux tuôr tsês jông hâux lưv ntâuk hlâu cxôngx nzor no. Zơưv Lò Văn Tiến, Phưv Chủ tịch Ủy ban tỉnh Điện Biên khav tênhv: Chor nghệ nhân, côngv thôngx mênhx cxưx Hmôngz li têx gôngr côngv tưz paz tuôr tsês chiê têx vênhx huôv jông no. Viv li hâur ntu zuôr txos, sơưr đơưk tsuv sir jos yax kriê, piêr pâuz di sản li têx tsiv gri; cxơưz cxiz kriê hâux lưv uô trâu cxênhx hluôk, gra siêz tsơưr lươngv hax huv…/.

Vũ Lợi-Lik Thox cxêik nhênhv