Tas cik hnuz xiêz 10/10, ntơưv Tsênhv qơư phêv ziv-vênhx huôv tỉnh Điện Biên, Hội hluôk nênhs tỉnh uô ntêx nyuôs hâur cxuô luôs hâux lưv thâuv ntêx đros Tỉnh đoanx tsưr tsix chiv nhênhv 60 shông hnuz Chax chês hluôk nênhs uô ntêx nyuôs hâur cxuô cêr nuv cxiv tsa côngz trênhx cxiv puôz têx njưs tar đêx, thêir đêx phưx vưv uô liêx têz Nậm Rốm (10/10/1963-10/10/2023). Chor đại biểu tưz sik đros heik lol chor hluôk thâuv ntu co li têx cêr chiv nhênhv, phiv liv cxiv tsa côngz trênhx đêx Nậm Rốm thâuv ntêx. Đhâu 60 ntâu shông, têx hluôk nênhs uô ntêx nyuôs hâur cxuô luôs hâux lưv Nậm Rốm tưz uô tiêr têx côngz trênhx ntêr 35 cêik ntâu, đros trâu njưs tar đêx Nậm Rốm, uô tâu 9 tus qox ...., yênhx têx côngz trênhx lox yax thax tsav faz Bắc. Txos nhiv no, têx côngz trênhx đêx Nậm Rốm cux tsênhv khor truôx, muôx đêx phưx vưv trâu pêx xênhv uô kôngz hâur đras liêx Mường Thanh. Tsi tiêk tsêz chos, uô tâu 2 chiv kôngz, ntâu qơư tsênhv muôx txâuk đêx uô 3 chiv blêx liêx thiêz têx jâuz tâuv hâur iz shông, paz zov chênhr trâu huôv tsar kinh tế, xã hội ntơưv qơư./.

                                                  Báo Điện Biên phủ-Riê Lâux cxeik, nhênhv

Txix hâur shôngk shông 2023 txos nhiv no, chor sở, nganhx, thax tsav qơư nhoz tỉnh Yên Bái tưz uô jông lơưr têz qơưk têx tsưr ziv zos “Kriz uô thiêz sir zôngv dữ liệu sôr chiê paz muôx tâu tsiv gri” chiê kriz uô hlôngr yiêz sôr đros ntâu zav tsưr ziv, uô jông, tsênhv tsênhz, truôx jông, muôz pêx xênhv xênhv thiêz doanh nghiệp zos tsênhv njiêz li: Phần mềm công nghệ sôr Yên Bái paz txuôk đros jông oz tos nhos cxuô cấp lênhx tov thiêz pêx xênhv tâu jông đuô, pêx xênhv li ntâu ziv chênhv tâu têz ciês thiêz đơưk tu ciês, sêi đrơưv; Cổng dịch vụ công tỉnh tâu txuôk đros trâu cổng dịch vuv têz qơưk thiêz têx dữ liệu nhoz Trung ương, paz zôngx ziv đuô trâu pêx xênhv thâuv uô lơưr têx dịch vụ công… Pos Vũ Thị Hiền Hạnh, Phưv chủ tịch Ủy ban tỉnh Yên Bái puz pâuz:“Đhâu ntâu kror hêik pâuz pêz txêik tâu tưz paz trâu pêz chox kriê tâu nzor têx taz viv kriz uô. Thôngx cxix đhâu têx tsênhv njiêz hêik pâuz mak cux uô trâu canr bôv, công chức, viên chức muôx txơưx jênhv đuô hâur uô hâux lưv, viv muôx hâux lưv li chak mak tâu pêx xênhv hêik pâuz ciês đhâu phần mềm chiê cxuô cấp chinhr quyền pâuz tâu”./.

TTTB-Lik Thox cxêik nhênhv

Tỉnh Lào Cai tsênhv sir jos uô jông hâux lưv seiz car têx cưk kriê ntơưr, shux xênhz kriê nzir, cơưv nzir têx txux chi, txo grêk tsơưs têx uô tsi trơưk chei thôngz đhâu cxiz phôngz yaox chiv chir cơưv. Lơưr zơưv Đỗ Minh Tâm, Phưv Giám đốc Sở zoz zux tỉnh Lào Cai, nhiv no, têx cui tinhv lok kriê nzir, cơưv nzir tưz tsi yuô pov li thâuv ntêx lơưv. Taz sik, cux tsênhv muôx têx cui tinhv tsuv uô lơưr hur si têx lênhx tsi tâu cơưv nzir iz zav li: shux xênhz cxênhx iz, shux xênhz tưz cơưv 2 jiês hâur iz hnuz ntơưv tsêr cơưv: “Đros thiêz kriê nzir, cơưv nzir hâur tsêr cơưv mak uô lơưr cui tinhv. Kriê nzir, cơưv nzir saz đrâuv tsêr cơưv mak uô trơưk Thông tư 17 thiêz Sở cux tưz muôx tsưr ziv qênhz yuôx, qênhz shuôs têx li heik co chiê taz por trơưk cui tinhv”./.

                                                      Khắc Kiên-Riê Lâux cxeik, nhênhv

Txix hâur shôngk shông txos nhiv no, Tsênhv qơư Qênhz yuôx caz moz tỉnh Sơn La tưz sik côngv đros Viện Tsơưr pưr têz qơưk qênhz yuôx, ntâuk gri qênhx shênhx tsơưr pưr nhoz chor uô niêv thiêz nhuôs zâu tsik tâu muôx 5 shông ntơưv 30 luz xar hâur tỉnh. Tsưr tsix 9 lớp kriê têx txux chi, tsưr ziv yax mông lok tsoz phưz tsơưr pưr trâu chor uô niêv thiêz nhuôs zâu muôx 1.000 hnuz nhôngs trâu 266 cộng tác viên dân sôr, y têr jêx jok ntơưv têx huyện Sốp Cộp, Bắc Yên, Thuận Châu, Vân Hồ. 100%  lênhx pox niêv xênhz nhuôs hâur chêr ntơưv 2 huyện Thuận Châu thiêz Sốp Cộp tâu txêik jênhv thiêz paz ntâu zav tsơưr pưr; 90% chor nhuôs tsik tau muôx 5 shông tâu lux hnhar cir tsik so. Hâur jiês iz shông 2023, muôx 99% ntâu chor nhuôs txix 6 txos 59 hli thiêz 95% ntâu chor uô niêv đhâu xênhz zus mê nhuôv hâur 1 hli tâu cxaz nzir vitamin A./.

Báo Sơn La-Lik Thox cxêik nhênhv