Hnuz 28/10, Ban Thường vụ Tỉnh đoàn Sơn La thiêz Ủy ban huyện Thuận Châu sik côngv tsưr tsix Tsaz yênhx Hnuz hôiv hêik pâuz hâux lưv uô trâu hluôk nênhs mênhx cxưx tsơưs nênhs” shông 2023.

Muôx uôx 11 doanh nghiệp, nênhs xêir zuôr, qơư kruôz kriê hâur thiêz đrâuv tỉnh Sơn La; 1.000 ntâu lênhx shux xênhz, hluôk nênhs mênhx cxưx tsơưs nênhs sâuv thax tsav huyện Thuận Châu cxaz chuôz.

Đhâu hnuz hôiv tưz paz trâu chor shux xênhz, hluôk nênhs mênhx cxưx tsơưs nênhs sâuv thax tsav huyện Thuận Châu pâuz tâu têx xor mông lok lox tôngv, dịch vụ paz zok nriêr hâux lưv uô; paz nriêr tâu hâux lưv uô, muôx nzir phênhv sâu trâu nênhs lox tôngv; paz trâu huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz sâuv thax tsav tỉnh Sơn La./.

DTMN-Lik thox cxêik nhênhv

Đros njiêz luv “Tuôr tsês, phuôx huiz thiêz heik kriê têx mênhx cxưx lok six tsơưs nênhs li vênhx huôv chax chês”, Hnuz ntênhs vênhx huôv têx mênhx cxưx muôx tsôngv box tsơưs đuô 10 cxênhz lênhx jiês tiv 1 ntơưv tỉnh Lai Châu, shông 2023 zuôr tsưr tsix txix hnuz xiêz 3 txos xiêz 5/11. Cxaz chuôz muôx têx nghệ nhân, nghệ sĩ, diễn viên, vênhv tôngv viên 14 mênhx cxưx muôx jênh số tsơưs đuô 10 cxênhz lênhx li: Ơ Đu, Brâu, Rơ Măm, Pu Péo, Si La, Cống, Bố Y, Cờ Lao, Mảng, Lô Lô, Chứt, Lự, Pà Thèn thiêz Ngái nhoz têx tỉnh Lai Châu, Cao Bằng, Thái Nguyên, Điện Biên, Hà Giang, Lào Cai, Yen Bái, Tuyên Quang, Nghệ An, Quảng Bình thiêz Kom Tum.

Hnuz ntênhs vênhx huôv têx mênhx cxưx muôx tsôngv box tsơưs đuô 10 cxênhz lênhx nênhs jiês xuz thơưx tâu tsưr tsix chiê uô chính sách sik côngv , fênhx zav têx mênhx cxưx, phuôx huz tsiv grê vênhx huôv têx mênhx cxưx tsơưs nênhs, gôngr phênhv zaoz zux mnênhx cxưx, por vêv vênhx huôv chax chês; heik kriê vênhx huôv jông. Đhâu co, gôngr phênhv cxiv tsa vênhx huôv VN jông, tuôv zênhv zoz qơưx huôv tsar truôx vênhs têz qơưk./.

Báo Lai Châu- Txâur Vax cxeik nhênhv

Xav jênhv yuôx zêx zos tsoz chos paz muôx tâu kinh têr, têx shông đhâu, xar Hán Đà, huyện Yên Bình, tỉnh Yên Bái tưz kriz uô ntâu tsưr ziv chiê huôv tsar chor yuôx zêx lơưr saz truôx đrênhk, paz uô muôx sik côngv hâur uô yuôx zêx. Nhiv no, xar Hán Đà muôx 400 ziv chuôz zis uô yuôx zêx đros thax tsav đar muôx 160 ntâu héc ta, phênhv ntâu zos chor yuôx zêx DPH2 thiêz DPH1, njil yuôx zêx nhôngk sâu tâu muôx 2.000 ntâu tấn iz shông; hâur co, 72 héc ta yuôx zêx tâu uô lơưr tsưr ziv VietGAP tâu muôx 100 ntâu tấn yuôx zêx kruôr iz shông. Shông 2023, Hợp tác xã sâu zuôr chor hôiv viên thiêz chor ziv chuôz zis uô yuôx zêx VietGAP li 2 tấn ntâu yuôx zêx, uô hnaz ntiv đros côngz bê “Yuôx zêx njuôz Hán Đà” đros gri muôs zos 300.000 đêiv iz cir./.

Nhandan-Lik Thox cxêik nhênhv

Nhiv kruôr đhâu, tuêv côngz xưv phax tar zax zênhz thiêz nênhs phamv cxâuv, Bộ đội pênhz phax tỉnh Điện Biên sik côngv đros zênhx pênhz phax Thanh Luông uô jênhv vưv ntơưv ndêx đriv têz 105 cêr ntus đriv VN-Lào nhoz jos Hồng Lếch Cuông, xã Thanh Hưng, huyện Điện Biên, tỉnh Điện Biên pov iz lênhx txir nênhx muôx têx njuôs xav uô phamv cxâuv. Đhâu qênhz yuôx pov hâur lênhx txir nênhx no li luz hnaz muôx 400 gram zênhz đơưz, 1 cxênhz njiêr zax zênhz shơư yuôx. Lênhx txir nênhx co zos Quàng Văn Thuận xênhz shông 1986 nhoz jos Pe Luông, xã Thanh Luông, huyện Điện Biên. Thuận zuôr chor zax zênhz no txix iz lênhx pox niêv tsi pâuz bê ntơưv ndêx đriv têz 105 đros grê zos 25 tsov đeiv chiê chox lok sir zôngv thiêz muôv muôs. Nhiv no txuz hâux lưv no tsênhv tror tâu lưx lươngv muôx txơưx jênhv krêz đar qênhz yuôx lơưr PL li cui tênhv./.

(TTTB-Txâur Vax cxeik nhênhv)