Xav tinhv qênhz yuôx, seiz kaz zos iz hâur têx hâux lưv zov chênhr hâur cxiv tsa Đảng, chor shông đhâu, Đảng bộ tỉnh Sơn La tưz moz siêz fuô uô jông luôs hâux lưv no. Pos Lường Thị Vân Anh, Seiz car Ủy ban Qênhz yuôx Tỉnh ủy Sơn La heik pâuz, đhâu qênhz yuôx, seiz kaz tưz zênhx max qênhz pov, pâuz tâu tsênhz tsưr tsix đảng, đảng viên têx tsi jông, uô cxâuv chei. Ntâu txuz phiv liv tưz tâu đơưk tu trơưk li Đảng cui tinhv, chei têz qơưk, tiv zix zos heik tsênhz mênhx Ủy ban qênhz yuôx Tỉnh Ủy têx jiês cơưv trâu sơưr đơưk pâuz. Pos Lường Thị Vân Anh heik:“Tiv iz zos sir jos uô hâux lưv yax kriê chiê hlôngr yiêz cấp ủy, tsưr tsix đảng thiêz canr bôv, đảng viên li txux chi tsưr ziv jênhv pâuz, txơưx jênhv. Tiv 2, tror nhênhz chơưv, cxiv tsa, kho đuô nzir thiêz uô tiêr têx ntâuz ntơưr qênhz yuôx, seiz kaz chiê uô tâu trơưk T.Ư têx cui tinhv”./.

                                                                 VOV4-Riê Lâux cxeik, nhênhv

Txơưv njuôs pov njiz ntâu phêv liv, taz sik nganhx công thương tỉnh Lào Cai cux truôx siêz uô tiêr hâux lưv tsiv uô công nghiệp tax 51 cxênhz tỷ đeiv uô ntêx thâuv suôv câuv shông 2023. Tsưr ziv chiê uô tiêr zos nganhx li sir jos cux xưk li njênhs njôngr têx hlôngr yiêz jông hâur huôx tôngv tsiv uô công nghiệp têx luz hlik kaz shôngk shông. Zơưv Hoàng Chí Hiền, Giám đốc Sở công thương Lào Cai puz pâuz: iz cxiê dự án công nghiệp lox cux tâu njênhs njôngr zuôr tâu krêz uô lok sik tror huôx tôngv li tsêr meir kuôr hlâu Việt Trung:“Tỉnh zuôr chox dự án kuôr hlâu Việt Trung lok huôx tôngv. Đrâuv co têx dự án đêx tênhv Móng Sến, kaz shông no huôx tôngv. Đrâuv co têx dự án nriêr zok khoáng cxax nhiv no pêz tsênhv chêx chôngk uô, tiv zix têx tiv phaz Bảo Thắng, TP Lào Cai tsênhv chêx chôngk uô côngz xưv car chêx thax tsav qơư”./.

An Kiên- Txâur Vax cxeik nhênhv

Shông cơưv no, Tsêr cơưv Phổ thông Dân tộc nội trú huyện Yên Bình, tỉnh Yên Bái muôx 206 lênhx shux xênhz, hâur co muôx 95% zos heir nênhs tsơưs. Por hưv thiêz tsưx phưv tsês têx txux chi vênhx huôv jông cxôngx nzor tâu tsêr cơưv moz siêz txos. Chiê por hưv tâu jông cxuô heir nênhs têx txux chi vênhx huôv li heik sâuv, đros trâu cxiv tsa tsưr ziv, hâux lưv, tsêr cơưv tưz sir jos yax kriê gra siêz tsưr ziv jênhv pâuz trâu canr bôv, cưk kriê ntơưr, shux xênhz lok kriê heir nênhs tsơưs têx txux chi vênhx huôv têx jông thiêz muôx liv. Iz chas ntơư, tsêr cơưv yênhx lix câu lạc bộ “yax kriê heir nênhs tsơưs ntơưv qơư têx txux chi vênhx huôv jông” chiê shux xênhz muôx qơư uô si, lov jêv, pâuz tsênhz lok cxuô heir nênhs têx txux chi sênhr chêr hu gâux, heik cưr cxiêx, đhiê pax vuôk...., iz chas ntơư piêr kriê trâu chor tuz nhuôs pâuz nzir lok lưv heir nênhs hâur thax tsav tỉnh têx txux chi cêr nênhx vênhx huôv jông./.

                                                                 VOV4-Riê Lâux cxeik, nhênhv

Thâuv tsênhv muk ndis shuôk uô si seiz trôngz jôngr ntông sâuv trôngz Tà Chì Nhù nhoz huyện Trậm Tấu, tỉnh Yên Bái, iz lênhx txir nênhx môngr tsi jông tưz trâus tuôs. Tsênhz mênhx, thâuv 6 six tas cik hnuz xiêz 8/10, chiz coaz muôx txơưx jênhv huyện Trạm Tấu, tỉnh Yên Bái jênhv tâu xor mông ntơưv thax tsav trôngz Tà Chì Nhù, xã Xà Hồ, huyện Trạm Tấu lok hâux lưv lênhx txir nênhx xênhz shông 1962 nhoz quận Hồng Bàng, TP Hải Phòng thâuv tsênhv muk ndis shuôk trôngz jôngr, thâuv muk ndê trôngz siêz 2 cxênhz 500 yiv nhoz co tsov shav mak môngr tsi jông trâus tuôs, tiv sâur nyar trâus cxơưk. Lênhx nênhs co tưz tâu đoanx chox lok chơưv kho, taz sik chơưv tsi tâu. Nhiv no lênhx txir nênhx no tưz tâu choz trâu chuôz zis chiê uô đaz kruô. Lơưr chuôz zis, lênhx txir nênhx no zênhx muôx moz siz mêx siêz./.

VOV4-Txâur Vax cxeik nhênhv