Jiês cơưv tiv 8, Ban chấp hành Trung ương Đảng kháo 13 tsênhv tâu tsưr tsix ntơưv Thủ đô Hà Nội. Đảng viên thiêz pêx xênhv lok six tsov cưv txos têx tsênhv njiêz zov chênhr hêir jiêr cơưv no. Đảng viên Nguyễn Thị Thúy nhoz phường Yên Ninh, thành phố Yên Bái, tỉnh Yên Bái hêik:“Jiês cơưv tiv 8, Ban chấp hành Trung ương Đảng sêiz lax lok six ntâu tsênhv njiêz mak canr bôv, đảng viên lok six tsov cưv txos, hâur co muôx ntâuk gri qênhx shênhx kinh têr xar hôiv têz qơưk, uô tsênhz mênhx têx phiv liv chiê muôx tsưr ziv đơưk kho hâur ntu zuôr txos. Canr bôv, đảng viên cux tsov cưv txos ntâu tsênhv njiêz txơưr hâur jiês cơưv, tiv zix zos têx xor mông lok hlôngr yiêz nhiêx hli, hâux lưv ntâuk gti, gra siêz tsơưr lươngv chor  tsênhv chêi xar hôiv, tax tâu pêx xênhv li siêz xar njôngr”./.

Đinh Tuấn-Lik Thox cxêik nhênhv

UB tỉnh Sơn La nhiv kruôr tsưr tsix phêv ziv côngz fur thiêz khơưk muôz Chủ tịch Ub tỉnh li cuiz tênhv tso uô lênhs tov iz cxiê sở, nganhx hâur tỉnh. Phêv ziv tưz côngz fur têx cuiz tênhv: tso pos Phạm Thị Doan, giám đốc Sở công thương uô giám đốc Sở thôngz xor mông; tso zơưv Nguyễn Văn Bắc, Chủ tịch UB huyện Mường La uô giám đốc Sở công thương; tso zơưv Lại Như Long, Phưv chủ tịch UB huyện Mai Sơn uô Phưv giám đốc Sở Nội vụ. Six hơưv uô hâu nov zos 5 shông, txix hnuz xiêz 2/10/2023./.

Lê Hạnh- Txâur Vax cxeik nhênhv

 Ntơưv trôngx đriv ntiêx têz cêr ar sôr 2 Kim Thành, tỉnh Lào Cai nhiv no iz hnuz muôx txix 50-80 luz yêz thâux sầu riêng muk đhâu muôs tơưv saz đrâuv têz qơưk. No zos kror muôx ntâu yêz tiv zix txix thâuv ntêx txos nhiv no muk lok đhâu ntơưv trôngx đriv no. Iz container muôx tsiv gri zuôr xar 2 tiv đêiv, siêz đuô txix 4-5 jiês pir li cxuô zav txir ntông muôs tơưv saz đrâuv têz qơưk cxôngx nzor. Tix lâus Vũ Ngọc Nam, hlôngr njêx muôs công ty cổ phần muôs tơưv saz đrâuv têz qơưk An Nguyên puz pâuz:“Chiê tsik uô hiêv txos têx doanh nghiệp, txix ciês ntơưv qơư thâuv muôz chor hax huv trâu sâuv yêz pêz tưz tsuv uô vêv xênhz txir sầu riêng cov jông, thâuv tuôx txos ntơưv no, uô ntêx thâuv cơ quan qênhz yuôx zuôr qênhz shuôk mak pez tsuv tror sêiz shuôk đuô iz jiês thiêz, đhâu co mak lơưr zuôr qênhz yuôx 3-4 jiês thiêx txo grêk tsơưs tiv zix têx uô hiêv muôx sâuv chor txir sầu riêng”./.

An Kiên-Lik thox cxêik nhênhv

Txix hnuz xiêz 3 txos xiêz 5/11, ntơưv Lai Châu zuôr tsưr tsix hnuz ntênhs vênhx huôv têx mênhx cxưx muôx jênh số tsơưs đuô 10 cxênhz lênhx jiês tiv 1 thiêz ciêz ju lix- vênhx huôv tỉnh Lai Châu shông 2023. Hnuz ntênhs đros njiêz luv “Tuôr tsês, phuôx huiz thiêz heik kriê đêz đar têx mênhx cxưx tsơưs nênhs li vênhx huôv chax chês” zos Bộ vênhx huôv, thiv thao thiêz ju lix sik côngv đros tỉnh Lai Châu tsưr tsix. Hnuz ntênhs muôx 14 mênhx cxưx muôx jênh số tsơưs đuô 10 cxênhz lênhx li: Ơ Đu, Brâu, Rơ Măm, Pu Péo, Si La, Cống, Bố Y, Cơ Lao, Mảng, Lô Lô, Chút, Lự, Pà Thẻn thiêz Ngái nhoz 13 tỉnh: Lai Châu, Cao Bằng, Thái Nguyên, Điện Biên, Hà Giang, Lào Cai, Yên Bái, Tuyên Quang, Sơn La, Nghệ An, Hà Tĩnh, Quảng Bình thiêz Kon Tum cxaz chuôz. Hnuz ntênhs chiê heik kriê, phuôx huiz têx mênhx cxưx tsơưs nênhs li vênhx huôv jông, chuôz tsar cêr niêv côngv siêz têx mênhx cxưx, muôz siêz têx cấp, têx nganhx thiêz cxuô cxênhx nênhs li siêz xar, txơưx jênhv hâur côngz xưv tuôr tsês, phuôx huiz vênhx huôv côngv thôngx 54 mênhx cxưx VN./.

VOV4-Txâur Vax cxeik nhênhv