Phênhv thưr 4, hnuz 2/3/2016:

Tsơưz jông uô yuôx kho moz

Tsơưz tênhv tsư kaz, muôx ntâu tsơưr pưr, têx vitamin: A, B, C, H….; lơưr têx lênhx cưk yuôx njuôz, tsơưz tênhv muôx iz tsok kaz jiz, lax, jông nox. Jông uô têx yuôx kho moz li: Moz plaz, moz hlaz siêz hlaz njưk, kho moz kâus tưx. Zôngv kho moz tso qir tơưv, uô cuz uô no nkrik đêx, moz trưx, moz hlâur hnhur…..

Tơưr txir tsơưz siêr muôx iz tsok kaz jiz, pluôk, jông uô yuôx kho moz plaz. Txir tsơưz mak kaz jiz, txiêk lax, jông uô iz chêr lax, kho moz kâus tưx. Têx cuô tsơưz, cuô mik ntơưv luz txir tsơưz muôx iz tsok kaz jiz, pluôk cux jông uô yuôx kho iz cxiê zav moz. Niêx hnuz muôx têx nox 1-5 luz txir tsơưz; 20 -30g tơưr txir tsơưz; 60-120g hâur pâuk tsơưz nhôngk.

Tsơưz tênhv tsư kaz, muôx ntâu tsơưr pưr, thiêz jông uô yuôx kho iz cxiê zav moz.

Zôngv tsơưz tênhv uô yuôx kho iz cxiê zav moz li:

Kho moz tso jik tâu nyar: Hâur pâuk tsơưz nhôngk 120ga, đrox nhọ nồi 30 ga. Râuz zuôr chor đêx, hâuk hâur hnuz.

Kho moz hlâur hnhur, lok nyar: Txir tsơưz 2 luz, zuôr hur si chor tơưr thiêz txir, hâu cov siêr, nox hâur hnuz, zôngv ntâu jiês.

Kho moz trưx, moz poz đrâuv chax kâuv, têx grêix: Hâur pâuk tsơưz lok sik chas tsơưz, tuôr cov lưx krưr trâu kror grêix moz.

Phax thiêz kho moz ndâux plaz hlê tơưr: Txir tsơưz tênhv tsênhv njuôz, tsi tâu siêr, txôngr uô têx tưz đeiv nhiêk, muôz jiêz lok sik kra cov kruôr, tuôr uô hmôngr. Iz hnuz hâuk 20-30g.

Tsơưz hâu: Txir tsơưz 2 txos 3 luz, hâu hur si tơưr đros cov siêr, muôz nox. Zôngv trâu têx lênhx nênhs tơưv trôngx tsi tâu, moz hlâur hnhur saz hâur, lok nyar.

Sơưr đơưk tsuv ndo njôngr: Chêir, tsi zôngv ntâu thâuv muk tơưv trôngx ntâu jiês, tsav plaz, plaz xav tsi tâuk./.

( Báo SKĐS-Riê Lâux cxeik, nhênhv)