Môi tiah Rơ’jíu Việt Nam hiăng chêh, Tơdroăng tơkêa bro kơpong xah hêi ki lĕm má môi Đà Lạt châ Viƀan kong pơlê Lâm Đồng ăm mơ-éa mơnhên mơ’no liăn cheăng a hơnăm 2012, a kơxô̆ 23, troăng Quang Trung, bêng 9, pơlê kong kơdrâm Đà Lạt. Laga, troh mơ’nui hơnăm 2023, tơdroăng tơkêa bro kố châ mơjiâng kêi đeăng laga djâ pêi cheăng ƀă tơdroăng cheăng cho môi hngêi ăm tơmối kâ koi ối pơtê 4 hơlŏng, ai 50 kơbong koi pơtê.
Klêi kơ’nâi tơdroăng kố châ chêh tối, Viƀan kong pơlê Lâm Đồng hiăng tơbleăng mơ-éa hnê mơhno mâu khu, kơvâ cheăng ki tơdjâk ƀă Viƀan pơlê kong kơdrâm Đà Lạt tơkŭm séa ngăn, lăm ngăn tơdroăng mơ’no liăn cheăng, tơdroăng pêi cheăng dêi tơdroăng tơkêa bro vâ tơbleăng troăng tơleăng. Tiô jâ Nguyễn Thị Bích Ngọc, Kăn phŏ pơkuâ Khu pơkuâ ‘na khôi túa lĕm tro tơ’noăng ivá ƀă ôm Hyô Lâm Đồng, troh nôkố, tíu cheăng hiăng pơkâ Viƀan pơlê kong kơdrâm Đà Lạt hnê mơhno kơ koan cheăng tơvêh mơ-éa phêp pêi cheăng pro tíu ối ƀă tơdroăng tơkêa bro kố.
Viết bình luận