Đăi tươ̆ng Tô Lâm kheăn kơdeăn tơdroăng ki tơrŭm pơla Khu pơkuâ hnê ngăn cheăng Đảng Hải Phòng ƀă Đảng ủy Kŏng an Tơnêi têa tung tơdroăng tơniăn gâk kring kal kí, tơniăn lâp pơlê pơla, hbrâ mơdât mâu ngế xôi. Đăi tươ̆ng Tô Lâm pơkâ thế Khu pơkuâ Đảng ƀô̆ pơlê kong kân Hải Phòng pêi tiô mâu pơkâ pêi plâh tâi tâng dêi hneăng cheăng, pơtối mơdêk tơdroăng mơjiâng pơhlêh tung Đảng krúa lĕm ó rơdêi, pêi pro kơtăng pơhlêh tung pro mơ-éa, tíu mơ’no liăn cheăng tê mơdró, thăm mơdêk hiâm mơno tŏng kum dêi pó, tŏng kum xăm kơklêa kơdroh kơtiê.

Sap ing kố troh Hneăng hôp mâu khu râ, Hải Phòng kal séa ngăn pêi pro rĕng kêi đeăng mâu pơkâ, hbrâ pêi tơtro tơdroăng rah xo mơngế pêi cheăng, rak tơdroăng hbrâ, tíu ki lâi tơ’lêi trâm, kal tơkŭm ‘mâi pơhlêh, ki rơhêng vâ tối cho tơmâng tơdroăng cheăng lêng gâk kring.