Tiô pơkâ pêi, péa tíu cheăng kô tơrŭm tung tơdroăng mơjiâng ƀă pêi pro mâu troăng pêi, pơkâ pêi, troăng pêi pro vâ tơniăn xing xoăng on tơhrik, kơdĭng on tơhrik ƀă kơdroh tro lŭp on tơhrik; mơ-eăm rêm hơnăm kơdĭng ki vâ iâ 2% tâi tâng kơxô̆ on tơhrik ki xúa a Dak Lak. Péa pâ kô mơdêk mâu tơdroăng pơtâng tối kơdĭng on tơhrik; tơbleăng, pơkâ Vi ƀan kong pơlê kheăn kơdeăn mâu ngế krê, khu tơrŭm pêi pro lĕm tro ƀă ai troăng tơleăng ƀă mâu tíu cheăng ki pro xôi pơkâ kơdĭng on tơhrik.

Khu pơkuâ Kơmăi kơmok tê mơdró kong pơlê Dak Lak ƀă On tơhrik Dak Lak xuân pơtối tơkŭm po séa ngăn tơdroăng xúa on tơhrik ƀă mâu tíu ki xúa on tơhrik. A ngiâ, péa tíu cheăng hiăng mơhnhôk, pêi pro roh tơ’noăng “Rơpŏng kơdĭng on tơhrik hơnăm 2024”, ƀă pơkâ mơjiâng um méa rơpŏng ai tơdroăng rêh ối pro lĕm kong prâi, krúa, rơkê ing tơdroăng xúa on tơhrik tơniăn, châ tơƀrê, kơdĭng.