Sap apoăng hơnăm troh nôkố, ai 37 khu tê mơdró tung tơnêi têa ƀă kong têa ê troh ti tăng plĕng roh tơ’lêi mơ’no liăn cheăng a kong pơlê Dak Lak. Vi ƀan kong pơlê hiăng kĭ pơkâ troăng hơlâ mơ’no liăn ăm 7 tơdroăng tơkêa bro, ƀă tâi tâng kơxô̆ liăn kĭ lối 2.600 rơtal liăn. Pro hlá mơ-éa mơnhên mơ’no liăn cheăng ăm 1 tơdroăng tơkêa bro FDI ai kơxô̆ liăn kĭ 16,5 rơtal liăn.

Kố cho kơxô̆ ki iâ ƀă kong pơlê châ mơnhên ai tơmeăm vâ mơnhông hên kơvâ cheăng môi tiah Dak Lak. Xiâm kối pro mơhnhôk mơ’no liăn cheăng a Dak Lak pro vâi ôh tá hâk ki hên cho xua tơvâ, kơdroh ‘na tơnêi tơníu “krúa” ƀă pơkâ kân vâ tơdah mâu khu tê mơdró ai tơdroăng kal vâ pêt mơjiâng tơmeăm tơdrêng.

Khu pơkâ túa cheăng ƀă mơ’no liăn cheăng Dak Lak dế tơrŭm ƀă mâu tíu cheăng ki tơdjâk pêi kêi đeăng inâi tơdroăng tơkêa bro mơhnhôk mơ’no liăn cheăng ai tơmeăm tơ’lêi hlâu mơnhông, ki rơdêi vâ tơbleăng Vi ƀan kong pơlê rĕng tối tơbleăng rơdâ troh mâu khu mơ’no liăn cheăng vâ mơhnhôk khu tê mơdró tung tơnêi têa ƀă kong têa ê troh ƀă kong pơlê.