Dak Lak tơkŭm po leh tơbâ hnoăng, ‘mé kơxêng kiâ mô đô̆i hlâ tung tơplâ xâ a kong têa Kul
Thứ năm, 11:00, 23/05/2024
Tơplôu: A Sa Ly/VOV Tây Nguyên
Tơplôu: A Sa Ly/VOV Tây Nguyên
VOV4.Xơ Đăng - Kơxê lơ 22/5, Khu pơkuâ hnê ngăn Đảng, Hô̆i đong kuăn pơlê, Viƀan kuăn pơlê, Viƀan Mât trâ̆n Tơnêi têa Việt Nam kong pơlê Dak Lak tơkŭm po Leh tơbâ hnoăng, ‘mé 27 kơxêng kiâ mô đô̆i cho lêng ki pleăng hnoăng cheăng ƀă mâu ngế ki rơkê Việt Nam hlâ a tíu tơplâ xâ kong têa Kul ing mâ rơxông tơplâ xâ nah.
Klêi kơ’nâi vâ chê 7 khế tơkŭm po ti tăng, ƀă tơdroăng tŏng kum, tơrŭm dêi khu râ kăn pơkuâ ƀă kuăn pơlê kong pơlê Mondulkiri, kong têa Kul, mâu mô đô̆i hlâ tung tơplâ xâ nah châ djâ ‘mé a Ilâng kiâ mô đô̆i kong pơlê Dak Lak. Tâi tâng kơxêng kiâ mô đô̆i pơrá ôh tá ‘nâi inâi, pơlê xiâm.
Thươ̆ng tă Trịnh Ngọc Kiệm, Kăn pơkuâ Khu K51 (Khu ti tăng chiâ xo kơxêng kiâ mô đô̆i Khu lêng pleăng hnoăng cheăng ƀă mâu ngế rơkê Việt Nam) tối ăm ‘nâi, rơnó khăng khoăng hơnăm kố tô ó tâ tâng pơchông ƀă rêm hơnăm, laga ƀă tơdroăng ki mơ-eăm hên, khu hiăng ti tăng, chiâ xo kơxô̆ kơxêng kiâ mô đô̆i hên má môi tung pơtăm hơnăm ngi kố.
Viết bình luận