Pŭn ngế tro xăm tối mê cho: Lâm Văn Đạo, Vũ Duy Tư, Nguyễn Văn Quynh ƀă Nguyễn Văn Hảo ‘na tơdroăng pro xôi pơkâ ‘na rak tơniăn krúa lĕm kế kâ. Hdrối mê, Ƀơrô Kŏng an cheăng kâ – Kŏng an kong pơlê kố hiăng kơdrâ séa ngăn 6 tíu mơjiâng pro hmŏng prá tung pơlê kong kơdrâm Ƀuôn Ma Thuột ƀă châ hlo 4 ngế kố hiăng xúa trếo ‘mêi vâ mơjiâng hmŏng prá.

Kố cho trếo ôh tá ối tung inâi châ ăm phêp xúa tung mơjiâng pro kế kâ ƀă inâi pơkeăng rak vế hdrê kơchâi plâi pôm châ châ ăm phêp a Việt Nam. A kơ koan kŏng an, mâu ngế ki kố tối tung hơnăm 2024, khu kố hiăng tê tung kơchơ mơdró dâng 2.900 tâ̆n hmŏng prá ai tâm trếo pơkeăng, tơdâng rêm hâi dâng sap ing 8 troh 10 tâ̆n.