A Rôh hôp, kăn pơkuâ mâu Khu xiâm kơvâ cheăng hiăng tơpui hên ‘na tơdroăng ki kal: mơnhông kơmăi kơmok hân pơklê̆p meăm pro troăng rơxế lơ treng, hnê ăm mâu ngế pêi cheăng; túa pơkâ mơhnhôk tơlo liăn; xúa; hnê tối vâ pêi pro troh tơná chiâng pơkuâ kơmăi kơmok; pơkâ troăng mơjiâng troăng hơlâ tro tiô tơnêi têa pơkâ.

Mơgêi rôh hôp, pôa Trần Hồng Hà, Ngế pro xiâm phŏ hne ngăn tơnêi têa pơkâ thế séa ngăn khât tơdroăng Pơkâ kơxô̆ 172 dêi Kuô̆k hô̆i ‘na troăng ki ‘no liăn pro tơdroăng tơkêa troăng rơxế lơ treng a troăng xiâm Bắc – Nam. Tung tơdroăng ki kơchuâ chêh ‘na kih thuât dêi tâi tâng troăng, Ngế pro xiâm phŏ hnê ngăn tơnêi têa pơkâ thế Khu xiâm ngăn troăng prôk ƀă rơxế kơtâu tơrŭm ƀă mâu khu xiâm, kơvâ cheăng, kong pơlê vâ mơjiâng mâu tôh pêi cheăng tơrêm tơdroăng ki kal nhên, ing mê, mơnhên tơdroăng pơkâ xúa tơnêi, pêi pro tơdroăng ki xo tơnêi, ‘mâi rơnêu túa pơkâ klâ kơpong, pơkâ nhên túa vâ ai tơnêi pro kơphô̆, thôn pơlê tiô troăng prôk, mơnhên tâi tâng kơxô̆ liăn ƀă túa mơhnhôk vâ pro.