Kố cho hơnăm má péa pơtối hlối PCI Dak Nông tâk pơtối 31 râ, ing ối má mơ’nui châ tâk top a kơpêng tung lâp tơnêi têa, tơmâng xo mâu ivá mơ-eăm dêi kong pơlê tung hơ’lêh tơdroăng ‘no liăn cheăng tê mơdró. Dak Nông xuân cho kong pơlê má môi a Tây Nguyên ối tung top 30 to kong pơlê, pơlê kong kân ai tơdroăng rơkê tung pơkuâ cheăng kâ má môi dê lâp tơnêi têa.

Kố cho tơdroăng ki ro má môi ing nah troh nôkố dêi kong pơlê kố tung tơdroăng hơ’lêh ‘no liăn cheăng tê mơdró, mơdêk ivá tơxup râ kong pơlê. Tơdroăng ki pơxá PCI hiăng tối mâu ivá ôh tá la lâi pơtê mơ-eăm dêi khu pơkuâ tơdroăng kal kí tung tơdroăng hơ’lêh ‘no liăn cheăng tê mơdró tung mâu hơnăm achê kố. Mâu hlá mơ-éa, troăng hơlâ tŏng kum, tơ’mot ‘no liăn cheăng ƀă hên ki ê pơrá tơbleăng a cổng thông tin điê̆n tưh dêi Vi ƀan hnê ngăn kong pơlê ƀă mâu khu râ kơvâ cheăng.