Tơpui tơno pơla Ngế xiâm chêh tơm xo rơkong ASEAN ƀă droh rơtăm cho tơdroăng ki tơviah tung rôh hôp la ngiâ ASEAN 2024, cho mơhno ăm tơhrâ dêi ASEAN tung hnê tối ăm mâu rơxông hơnăm ối nếo djâ vế tơdroăng hơ’lêh tơƀrê tung la ngiâ, veăng kum mơjiâng môi ASEAN tơdjêp ƀă krá tơniăn.

Tung pơla hdrối kố nah, Chin phuh mâu kong têa tung mê ai Việt Nam ôh tá pơtê tơmâng ngăn ‘no liăn pêi cheăng ăm droh rơtăm, pro tơ’lêi hlâu vâ mâu vâi pú hơnăm ối nếo châ xúa rôh ki hriâm tâp tŭm têk, mơdêk hiâm mơno, ivá châ chăn, mơdêk rôh tơ’lêi hlâu tung tơdroăng cheăng pêi. A rôh tơpui tơno, teăng mâ droh rơtăm mâu kong têa ASEAN a rôh  châ tối ‘na tơdroăng ki púi vâ, pơkâ mơ’no mâu rơkong kơ-êng ƀă châ xo tơdroăng ki tiâ mơnhên  tơdrêng ing pôa Kao Kim Hourn, ngế xiâm chêh tôm xơkong ASEAN.