Kong pơlê pơkâ thế mâu cheăm kong pơlê rĕng pê klêi tơdroăng pơkâ vâ rĕng djâ mâu kuăn pơlê ki ai hngêi tơhnâp tơ’nhiê xua tro têa mơhiu ƀă rĕng pro klêi mâu hngêi vâ ăm kuăn pơlê ối tơniăn ton hơnăm.

Tiô hlá mơ-éa chêh pơtroh xua Khu xiâm ngăn ‘na Chiâk deăng  ƀă Hyôh kong prâi nếo pơtroh ăm Vi ƀan Kuăn pơlê kong pơlê Gia Lai kô djâ tơdrêng 1.861 rơpŏng rêh ối a 16 kơpong; tung mê ai 9 kơpong peăng mâ hâi lo (kong pơlê Bình Định ton nah) ƀă 907 rơpŏng kuăn pơlê, ƀă 7 kơpong peăng mâ hâi Lu, ƀă 954 rơpŏng kuăn pơlê. Tâi tâng kơxô̆ liăn pro hngêi trăng lối 1.840 rơtal liăn, vâ pro tơmeăm khoăng, kơjo kum tơdrêng ăm kuăn pơlê ƀă pêi tơdroăng ‘mâi xĕn hngêi trăng chêl thiăn liăn xo tíu vâ pro hngêi trăng.

Pôa Phạm Anh Tuấn, Kăn hnê ngăn Vi ƀan kuăn pơlê kong pơlê Gia Lai ăm ‘nâi, vâ tơdroăng pro pơlê nếo rĕng hlối tơbrê, mâu cheăm bêng kong pơqlê rĕng pro iâ hâi pêi pro, tăng ngăn, chêh troăng hơlâ ki kal vâ xoăng kuăn pơlê ối tơvât ƀă. Tung mê, kum ahdrối cho djâ kuăn pơlê ki ối a kơpong kĭng têa kơxĭ ai hngêi tơhnâp.

-Pôa Phạm Anh Tuấn - Kăn hnê ngăn Vi ƀan kuăn pơlê kong pơlê Gia Lai drêng séa ngăn vâ hlo ƀă mâ hlối hmâng tối ‘na troăng hơlâ vâ pơtối pro pơlê nếo ăm kuăn pơlê kơpong ki đi đo troh tơdjâk xua kong krâi pro ôh tá tơniăn.