Vi ƀan kong pơlê Gia Lai pơkâ mâu khu cheăng pơtối mơhnhôk tâi tâng mơngế pêi cheăng, rơxế, cano, plong tuk tŏng gum, tŏng xo mơngế hliăng tiâ; kơjo gâk kring châ chăn kuăn pơlê. Kơvâ cheăng thâ rơnêu mâu tơmeăm khoăng ki kal xiâm môi tiah troăng klông, rơchôa, on tơhrik, hyôh phôn, hngêi trung hriâm, hngêi pơkeăng cheăm; tơdrêng amê tơkŭm po tíu ối pơtân tơniăn, rak tơdroăng rêh ối ăm kuăn pơlê hía hngêi tung Mơhot roh 13 ƀă roh têa lân lu pơtối mê.

Khu cheăng khu lêng, mô đô̆i gâk tơkăng kong ƀă kŏng an pêi pro xĕn kuăn pơlê lo ing kơpong rơ-iô, pêi pro tŏng gum, mơgrúa kong prâi klêi kơ’nâi mơhot têa lân lu ƀă hbrâ mơdât pơreăng. 2 roh kong prâi pro ôh tá tơniăn pơtối pơla kố nah a Gia Lai hiăng 5 ngế hlâ, 11 ngế tro rong; lối 100.000 hngêi kuăn pơlê tro tơ’nhê tơmeăm khoăng, tơmeăm tro tơ’nhê... Tâi tâng tro lŭp tiô riân lối vâ chê 12 rơpâu rơtal liăn.