Jâ Trương Thị Mai, Kăn pơkuâ tơkŭm po tơdroăng Tơnêi têa veăng ƀă xông tơpui a hneăng hôp tối, Pơkâ 32 hiăng mơnhên nhên hnoăng ki kal a ngiâ xuân môi tiah ton xŏn vâ mơnhông krá tơniăn kơvâ ká xi xŏng tơnêi têa pin.

Xua mê, tâng pin ôh tá kâi ta tơbleăng ‘’Theh mêa’’ mê tơmeăm ká xi xŏng mot Châu âu tro pơkuâ kơtăng, tơdjâk troh kơxô̆ liăn mơ’no dêi khu tê mơdró, kô tơdjâk troh tơdroăng mơnhông krá tơniăn dêi kơvâ ká xi xŏng, troh tơdroăng pêi cheăng dêi 82 rơpâu tuk tơnăng ká ƀă tơdroăng rêh ối dêi rơtuh ngế kuăn pơlê tơnăng ká xi xŏng. Tiô hiêm mơno kố, jâ Trương Thị Mai pơkâ thế mâu khu xiâm, kơvâ cheăng ki tơdjâk xuân môi tiah mâu kong pơlê mơhno tơdroăng ki khŏm mơ-eăm vâ tah lôi tơbleăng tối ‘’Theh mêa’’ tung hơnăm 2024 kố.