A ngiâ hneăng hôp, Khu xiâm kăn ki tối tơbleăng ăm Khu kăn xiâm Đảng ‘na tơdroăng Khu xiâm Kal kí hiăng pơkâ xoăng hnoăng cheăng ăm Đăi tướng Lương Cường, Ngế cheăng tung khu xiâm Kal kí, Ngế pơkuâ Khu xiâm kal kí Lêng kuăn pơlê Việt Nam pêi cheăng pro tung Khu Kăn pơkuâ hnê ngăn Đảng; pôa Lê Minh Hưng, Kăn hnê ngăn Tíu xiâm Đảng, Kăn cheăng tung Ƀơrô Tíu xiâm Đảng pro Ngế xiâm pơkuâ Khu tơrŭm cheăng Xiâm tơnêi têa, Ƀơrô Tíu xiâm Đảng. Pơtối mê, Tíu xiâm tơnêi têa ăm hnê tối ‘na tơdroăng mơngế pêi cheăng ƀă kô séa ngăn nếo, hôu khĕn, mơ’no mâu kăn ƀô̆ ki ai xôi.

Peăng kơxêi , Khu kăn Tíu xiâm Đảng pêi cheăng a tôh, tơpui ‘na Đề cương ăm inhên Tối tơbleăng tơdroăng kal kí dêi khu kăn Xiâm Đảng hneăng 13 a Hneăng hôp mâu kăn tung lâp tơnêi têa rôh má 14 dêi Đảng, Đề cương mê tối nhên Tơbleăng 5 hơnăm pêi pro Tiô tơdroăng pơkâ mơnhông cheăng kâ - rêh ối 10 hơnăm sap (hơnăm 2021-2030), Pơkâ mơnhông cheăng kâ - rêh ối 5 hơnăm, sap hơnăm 2026-2030.

Xuân a roh pơxiâm po Hneăng hôp roh má 9 Khu xiâm pơkuâ Đảng hneăng má XIII kơxo hâi lơ 16/5, Khu xiâm pơkuâ tơnêi têa hiăng rah xo tơ’nôm 4 Kăn cheăng tung Khu xiâm kal kí hneăng má XIII.

Pơtối mê, Khu xiâm hiăng rah xo tơ’nôm 4 Kăn cheăng tung Khu xiâm kal kí hneăng má XIII, mê cho: Pôa Lê Minh Hưng, Kăn pơkuâ hnê ngăn cheăng Đảng tơnêi têa, Kăn pơkuâ khu tơkŭm po tơdroăng tơnêi têa, Kăn pơkuâ Ƀơrô xiâm Đảng; Pôa Nguyễn Trọng Nghĩa, Kăn pơkuâ hnê ngăn cheăng Đảng tơnêi têa, Kăn pơkuâ pơtâng tối tơdroăng kal tơnêi têa; jâ Bùi Thị Minh Hoài, Kăn pơkuâ hnê ngăn cheăng Đảng tơnêi têa, Kăn pơkuâ pơtâng tối tơdroăng kal tơnêi têa; pôa Đỗ Văn Chiến, Kăn pơkuâ hnê ngăn cheăng Đảng, Kăn pơkuâ Đảng đoân, Kăn hnê ngăn Vi ƀan xiâm Măt trâ̆n Tơnêi têa Việt Nam.