Kố cho môi tung 4 tơdroăng ki râ xiâm tơnêi têa tơbleăng thế lăm pêi cheăng pleăng hnoăng tơná veăng kum kuăn pơlê kuăn ngo. Lăm pêi cheăng hơnăm kố pêi 5 tơdroăng cheăng ki kân, mê cho: Veăng kum a rơnó tơ’noăng, Rơnó pơtê hriâm ki ai loăng drêh ngiât lĕm, Reăng phương khêi, Rơnó pơtê pleăng mơheăm ƀă Lăm pêi cheăng mơgrúa ngiêt lĕm.

Hơnăm rơxông nếo Dak Lak mơ-eăm pêi tơdroăng cheăng pro nếo 20 troăng kơphô̆ kơpong tung kơphô̆ rơkê plĕng; 10 toăng hngêi tuăn pâ, hngêi pâ kên khêi, hngêi ăm hok tro kâ koi ối pơtê kơhâi dế, pêt nếo 300 rơpâu xiâm loăng ngiât; ‘mâi rơnêu ƀă pro nếo lối 100 km troăng prôk tung thôn; Hnê mâu ngế pơxiâm vâ pêi cheăng kâ ƀă veăng kum pêi tơdroăng tơkêa bro pơxiâm pêi cheăng kâ hriăn plĕng tơdroăng ki nếo dêi mâu droh rơtăm; hnê ăm mâu droh rơtăm mâu vâi o phô̆m xông kân ƀă vâi hdrêng ƀă kuăn pơlê rế hlê plĕng... Klêi leh mơhnhôk pêi cheăng hiăng pơxiâm pêi pro hên tơdroăng cheăng tung tơring Krông Bông ƀă tâi tâng kơxô̆ liăn lối 2 rơtal liăn.