Kăn xiâm hnê ngăn Kuô̆k hô̆i tối nhên, tơdroăng mơjiâng tơdroăng pơkâ xiâm tơnêi têa ‘na hnê hriâm cho hnoăng cheăng pêi ton xŏn, pơkâ tơdroăng mơ’no liăn cheăng kâ ‘na mơngế pêi cheăng ƀă hâi khế. Pơkâ xiâm má mơ’nui thế mơdêk ki dâi lĕm hnê hriâm tâi tâng, ki rơhêng vâ tối cho ki rơkê khu mâu ngế hnê hriâm ƀă kăn ƀô̆ pơkuâ. Kal pơhlêh nếo tuăn tơmiât ing tiô khôi vâi krâ nah chiâng hnê tơdroăng ki rơkê, mơnhông ivá tơleăng tơdroăng; tơdroăng ki kal cho xuân rak châ xiâm rêi dêi tơdroăng hnê hriâm mê cho ‘’apoăng thế hriâm ki ‘nâi nhuô̆m vâi ki ê, mâu ngế ki kân, mơ’nui hriâm văn’’.

‘Na Tơdroăng pơkâ xiâm tơnêi têa ‘na rak ngăn ivá, pơ’leăng mâ mơngế ƀă mơnhông hneăng hơnăm 2026 – 2035, kố cho xiâm kối vâ mơdêk ivá pêi cheăng hngêi pơkeăng cheăm, bêng; mơdêk tơdroăng hbrâ mơdât pơreăng, mơdêk ivá kuăn pơlê tiô hiâm mơno “hbrâ mơdât pơreăng hôm tâ pơlât tơdroăng châi’’. Kăn xiâm hnê ngăn Kuô̆k hô̆i xuân pơkâ xúa kŏng ngê̆, pơhlêh xúa kŏng ngê̆ ƀă châ tơƀrê hluâ pơkâ mơjiâng mơngế pêi cheăng khăm pơlât. Xua kuăn mơngế cho pơkâ ki dâi lĕm khăm pơlât, tá hnê mơjiâng tuăn ngôa rơkê, hnê kih thuât, troăng hơlâ kơjo gum, mơdêk hiâm mơno lĕm, pêi lo liăn ngân.