A ngiâ poăng Pôa Hồ Chí Minh, Khu kăn hiăng tối hiâm mơno ki kân khât, tơbâ troh hnoăng cheăng kân dêi Pôa ƀă hnoăng cheăng kăch măng dêi Đảng ƀă hdroâng mơngế pin. Ngế hiăng pleăng dêi rơxông ăm kuăn pơlê, ăm tơnêi têa, pơkuâ djâ Đảng pin, kuăn pơlê pin pro chiâng mâu rôh ki ƀlêi trâng khên tơnôu. Rơvĭng reăng dêi khu kăn kố ai chư chêh: “Plâ rơxông chôu pâ Pôa Hồ Chí Minh khên tơnôu”.

Ƀlêi trâng tơplâ Điện Biên Phủ đi đo cho tơdroăng hâk tơngăm, cho ivá rơdêi kân hiâm mơno mơhnhôk tâi tâng Đảng, tâi tâng kuăn pơlê, tâi tâng khu lêng pin veăng ‘no ivá mơ-eăm tơplâ pro chiâng ƀlêi trâng kân Hiâm mơno mơjiâng tơnêi têa tung tung pơla prôk troh chuh ngiah xah hô̆i (‘mot tơ’nôm ƀă mơnhông hơnăm 2011), Pơkâ Hneăng hôp khu kăn lâp tơnêi têa rôh má 13 dêi Đảng, pơxiâm mơhnhôk ƀă pêi pro hơ’lêh tơdroăng ki rơhêng vâ mơnhông tơnêi têa kro mơdrŏng, hơniâp ro.