Klêi kơ’nâi troh a Hà Nội, pôa Rumen Radev, Kăn xiâm pơkuâ kong têa Bulgaria ai roh trâm mâ ƀă Khu nhŏng o Việt Nam – Bulgaria ƀă pú hmâ Việt Nam nah hriâm tâp, pêi cheăng a Bulgaria.

A roh trâm mâ, pôa Huỳnh Quyết Thắng, Kăn hnê ngăn Khu tơrŭm nhŏng o Việt Nam – Bulgaria hiăng tối mâu tơdroăng ki tơtêk tung tơrŭm nhŏng o, tơrŭm môi tuăn ƀă tơrŭm cheăng pơla Việt Nam ƀă Bulagaria tung plâ 74 hơnăm hiăng hluâ, tối phiu ro hlo tơrŭm cheăng pơla Việt Nam ƀă Bulgaria dế mơnhông lĕm tro, tung hên kơvâ tơpui kâ, hnê hriâm, tê mơdró, mơ’no liăn cheăng. pôa Rumen Radev kheăn kơdeăn mâu tơdroăng châ tơƀrê ki Việt Nam hiăng châ tơƀrê tung pơla kố nah, tơdrêng amê tối rơdêi, tơrŭm cheăng péa tơnêi têa dế đi đo châ mơdêk pêi pro tung hên kơvâ cheăng.