Xông tơpui a roh pêi cheăng, pôa Nguyễn Xuân Thắng kheăn kơdeăn mâu tơdroăng mơ-eăm ƀă tơdroăng châ tơƀrê dêi Đảng ƀô̆ ƀă kuăn pơlê kong pơlê Quảng Ninh. Khu râ kăn pơkuâ hnê ngăn cheăng Đảng kong pơlê Quảng Ninh hiăng tơkŭm po pêi pro châ tơƀrê, xúa ki rơkê mâu troăng pơkâ pêi, troăng hơlâ dêi Đảng ƀă Tơnêi têa, khu râ kăn pơkuâ ƀă kuăn pơlê kong pơlê châ tơƀrê hên.

Ƀă khu séa ngăn dêi khu hriăn plĕng mơ-éa ki kal mê tơbleăng dêi Quảng Ninh pêi tơtro, tiô mơ-éa chêh mâu tơdroăng ki xiâm dêi Khu. Mâu tơdroăng ki kal tâ mê nếo cho drêng mơgêi cho xo vế mâu tơdroăng ki xiâm a tơdroăng ki tơmiât, tơdroăng ki thế hriâm, ai mâu tơdroăng ki thế hriâm tơdroăng pêi ki ton xŏn. Khu râ kăn pêi cheăng mơnhên ƀă tơkŭm tâi tâng mâu tơdroăng ki pâ thế dêi kong pơlê vâ tơbleăng Tiêuh ƀan Mơ-éa ki kal Hneăng hôp má XIV dêi Đảng.