A rôh hôp, mâu khu mơdró pâ thế tơkŭm a pŭn khu tơdroăng ki kân,  ‘na luât, khu mơdró pơkâ thế rĕng pêi pơkâ mah ngành ăm tơmeăm ki pêi hên , tơ’lêi hlâu pro hlá mơ-éa ƀă tơdroăng tơkêa bro on tơhrik kơtâu ƀă mâ hâi, ăm mah kơpong pêt, tơkŭm tơ’noăng xo chưng chih tơbleăng tơmeăm khoăng ƀă tah xơpá tung chêl thiăn liăn ‘mâi xĕn gu tơbăng tơnêi.

Liăn pêi, pâ thế tơbleăng kơxô̆ liăn kum ăm Startuo (pơxiâm pêi cheăng), mung liăn ăm tơdroăng pêi pro uâ pơliê tơmeăm pê lo ing chiâk deăng ƀă luât pơkâ tŏng gum kơdroh bro hnoăng mơhá mơdró kâ kơmăi kơmok. ‘Na tơmeăm khoăng, hên tơdroăng pâ thế pơkâ hdró pro tíu xạc rơxế kơtâu ƀă on tơhrik, ‘lo liăn logistic, pro hnôu hngíu ƀă ‘mâi pro troăng kân kơtâu troh mâu kơpong.

Pakĭng mê, khu mơdró xuân púi vâ mâu khu xiâm, kơvâ cheăng ƀă kong pơlê tơmâng tơbleăng ‘na hê̆ sinh thái pơxiâm pêi cheăng  ƀă kŏng nghê̆, hnê mơngế pêi cheăng kơxô̆ ƀă mơdêk hnê tối hriĕn plĕng ki nếo vâ mơdêk tê mơdró tơmeăm pê lo ing chiâk deăng.