Thiê̆u tươ̆ng Nguyễn Mạnh Đức, Kăn phŏ pơkuâ Mô đô̆i gâk tơkăng kong veăng hôp ƀă hnê mơhno a Hneăng hôp. Tơpui a Hneăng hôp, Thiê̆u tươ̆ng Nguyễn Đức Mạnh mơnhên tối khât ‘na mâu tơdroăng ki pêi pro tơƀrê ki Mố đô̆i gâk tơkăng kong kong pơlê Gia Lai hiăng pêi tơƀrê tung mâu hơnăm hdrối nah.

Mố đô̆i gâk tơkăng kong kong pơlê Gia Lai đi đo pêi klêi mâu hnoăng cheăng rak vế hnoăng pơkuâ tơnêi tơníu, gâk kring tíu tơkăng kong tơnêi têa, veăng kum hnoăng kân tung mơjiâng, ‘mâi mơnhông khu pơkuâ tơdroăng kal kí ƀă mơnhông cheăng kâ rêh ối pơlê pơla a kơpong tơkăng kong. Tung la ngiâ ah, Khu pơkuâ mố đô̆i gâk tơkăng kong kong pơlê Gia Lai khŏm mơ-eăm ‘mâi mơnhông pá puât, pêi klêi mâu hnoăng cheăng mâu tơdroăng pơkâ, tơdroăng tơ’noăng pơla hơnăm 2024 -2029, mơjiâng tíu pêi cheăng krá rơdêi tŭm têk, Đảng ƀô̆ krúa rơdêi.

Pơtối tơplâ mơdât pro tơ’nhiê mâu tơdroăng tơchĕng tơmiât ôh tá lĕm tro dêi khu ‘mêi vâ bro tơ’nhiê tơnêi têa; rak vế krá rơdêi hnoăng pơkuâ tơnêi tơníu, gâk kring tíu tơkăng kong tơnêi têa tung chal nôkố.