Tung pơla hdrối nah hnoăng cheăng tơbleăng tơdroăng tơkêa 06 dêi pơlê kong kân Hà Nội châ tơƀrê hên mâu tơdroăng cho tung hnoăng cheăng kăn pơkuâ, hnê mơhno, pơkuâ ƀă tơkŭm pêi pro chiâng khu pơkuâ ngăn Đảng pơlê kong kân, Vi ƀan hnê ngăn, mâu khu râ, kơvâ cheăng dêi pơlê kong kân Hà Nội tơbleăng kơtăng.

Tơpui a rôh hôp, Ngế pro xiâm hnê ngăn tơnêi têa tối nhên, vâ pêi pro ƀlêi chiâng mâu tơdroăng pơkâ mơnhông cheăng kâ rêh ối pơlê pơla dêi Pơlê kong xiâm troh hơnăm 2025, malối cho mơdêk rơdêi hơ’lêh kơxô̆ ƀă tơbleăng tơƀrê tơdroăng tơkêa 06, hnoăng cheăng pơkâ mơ’no cho pá puât khât. Ngế pro xiâm hnê ngăn tơnêi têa pơkâ thế tâi tâng mâu kăn mơdêk hiâm mơno pôu râng, “pôi tá chiâng tối ôh, pôi tá chiâng tối pá, pôi tá chiâng tối ai la ôh tá pêi”, mơdêk ivá khŏm mơ-eăm “Hiăng tối athế pêi, hăng pêi athế tơƀrê”, “bu tơpui tơno to tơdroăng pêi, ôh tá tơpui tơdroăng ki ôh tá vâ pêi”. Hà Nội athế cho pơlê kong xiâm djâ troăng a hdrối tung tơdroăng hơ’lêh nếo ƀă mơnhông cheăng kâ kơxô̆, pơlê pơla kơxô̆, kuăn pơlê kơxô̆, tơmiât troh pơlê pơla rơkê plĕng.