Tung roh lăm pôu pêi cheăng păng ‘nâng a kong têa Hàn Quốc roh kố, tiô tối hdrối pôa Phạm Minh Chính, Ngế pro xiâm hnê ngăn Chin phuh kô ai lối 30 tơdroăng pêi.

Pakĭng mâu tơdroăng păng ‘nâng ƀă Khu râ kăn pơkuâ râ xiâm Hàn Quốc, pôa Phạm Minh Chính, Ngế pro xiâm hnê ngăn Chin phuh kô veăng ƀă xông tơpui a 03 hneăng hôp tơpui tơno, mê cho Hneăng hôp tơpui tơno khu tê mơdró, hôp tơpui mơhnhôk pêi ôm hyô ƀă tơrŭm khôi túa lĕm tro, Hôp tơpui tơno pêi cheăng Việt Nam – Hàn Quốc; ƀă 02 tơpui tơno, mê cho tơpui tơno ƀă khu râ kăn pơkuâ mâu Khu tơrŭm cheăng kâ Hàn Quốc ƀă Tơpui tơno ƀă mâu ngế ki tuăn ngôa rơkê, khoa hok Hàn Quốc ‘na tơmeăm ki chiâng hrik mơ’no hyôh ƀă tuăn ngôa rơkê.

Ngế pro xiâm hnê ngăn tơnêi têa kô ai mâu roh tơdah kăn teăng mâ khu râ kăn pơkuâ mâu Grup pơkuâ cheăng kâ má môi Hàn Quốc dế mơ’no liăn cheăng a Việt Nam.