Teăng mâ khu râ kăn pơkuâ, Tơnêi têa, Kuô̆k hô̆i, pôa Trần Thanh Mẫn, Kăn xiâm hnê ngăn Kuô̆k hô̆i pơtroh mâu Jâ Nôu Việt Nam khên tơnôu, rơpŏng ngế ai hnoăng ƀă tơnêi têa rơkong rơkâu mo châ, hơniâp lĕm ƀă châ tơƀrê. Ing tơbleăng dêi khu râ kăn pơkuâ pơlê kong kân Cần Thơ, Kăn xiâm hnê ngăn Kuô̆k hô̆i kheăn kơdeăn tơdroăng cheăng rêm hơnăm pơlê kong kân Cần Thơ hiăng tơmâng, tŏng kum ăm rơpŏng ai troăng hơlâ tơnêi têa tŏng kum hiăng mơhnhôk 9,4 rơtal liăn vâ tŏng gum mâu rơpŏng ai troăng hơlâ tơnêi têa tŏng kum.

Tung la ngiâ, pôa Trần Thanh Mẫn, Kăn xiâm hnê ngăn Kuô̆k hô̆i pơkâ thế, pơlê kong kân thăm pêi pro pơkâ 14 dêi Khu pơkuâ hnê ngăn cheăng Đảng ‘na thăm pơkuâ dêi Đảng ƀă tơdroăng mơngế ai hnoăng ƀă kăch măng vâ mâu troăng hơlâ dêi Đảng ƀă Tơnêi têa châ pêi pro tŭm troh ƀă mơngế ai hnoăng.

A kố, pôa Trần Thanh Mẫn, Kăn xiâm hnê ngăn Kuô̆k hô̆i ƀă Khu râ kăn pêi cheăng hiăng diâp 50 kơxuô tơmeăm ăm mâu nôu Việt Nam khên tơnôu, rơpŏng ai troăng hơlâ tơnêi têa châ tŏng kum, mơngế ai hnoăng ki kơhnâ rơkê.