A mâu tíu trâm mâ, khu râ kăn teăng mâ Kuô̆k hô̆i kong pơlê Gia Lai tối tơbleăng ƀă kuăn pơlê ‘na tơdroăng xiâm, tơdroăng pêi ƀă tơdroăng châ tơƀrê hneăng hôp má 7 Kuô̆k hô̆i hneăng má XV pơla kố nah. Mâu kuăn pơlê tối phiu ro ‘na tơdroăng châ tơƀrê hneăng hôp, ki má lối cho tơdroăng tơbleăng pêi pro hên luât nếo rơtế tơdroăng xiâm ki kal.

Rơtế ƀă mê, kuăn pơlê xuân tối hên tơdroăng ki ối ai a kong pơlê, pói vâ châ mâu kăn teăng mâ ƀă Kuô̆k hô̆i tơmâng tŏng kum, séa ngăn. Ki nhên môi tiah pro mơ-éa ăm hnoăng xúa tơnêi pro pá, ton xŏn pro hêng hôu tung kuăn pơlê; tơdroăng ôh tá bê têa ôu hum rôh jiếo xuân tá hâi châ mơjiâng pro; pâ thế Tơnêi têa tŏng kum tơtro tâ ƀă mâu ngế tro trếo ‘mêi dioxin ƀă kăn ƀô̆ pơkuâ râ cheăm.

A pơlê kong krâm Ayun Pa, kuăn pơlê pâ thế ‘na tơdroăng kal pơkuâ krá tơdroăng păn chêm yến tung kơpong kuăn pơlê rêh ối; mâu ngế ai hnoăng trâm pá tung tơdroăng tơdah ăm liăn ing theh ATM.