6 khế apoăng hơnăm, cheăng kâ Dak Nông mơnhông lối 5%
Thứ bảy, 06:00, 29/06/2024
Tơplôu: Katarina Nga/VOV Tây Nguyên
![Tơplôu: Katarina Nga/VOV Tây Nguyên](/themes/custom/vov_4/images/avatar.png)
VOV4.Xơ Đăng - Tơdế hơnăm kố, cheăng kâ kong pơlê Dak Nông tâk lối 5%, ối má pea tung kơpong Tây Nguyên, la xuân tá hâi châ tiô pơkâ ƀă tá hâi krá tơniăn xua xuân ối tơkôm hên tung pêi chiâk deăng.
6 khế apoăng hơnăm 2024, tâi tâng kế tơmeăm a kong pơlê Dak Nông tiô riân châ lối 9.555 rơtal liăn, tâk lối 5% tâng pơchông ƀă khế kố hơnăm hdrối, ối má 2 kơpong Tây Nguyên (kơ’nâi kong pơlê Kon Tum). Tiô Khu riân ngăn tơmeăm khoăng kong pơlê Dak Nông, cheăng kâ hlo mơnhông la ki hên cho kơnôm ing kơvâ pêi chiâk deăng tâk rơdêi, yă tê tơmeăm pêi lo ing chiâk deăng ki xiâm môi tiah kơphế, tiu, sầu riêng, báu phái to kơnâ, kloăng plâi hôt tâk péa hdroh, păn chu châ ‘mâi mơnhông ƀă hên ki ê.
![Cheăng kâ Dak Nông tâk tơniăn cho kơnôm ing kơvâ pêi chiâk deăng tâk rơdêi](https://vov4-media.solidtech.vn/sites/default/files/styles/large/public/2024-06/dak_nong_tang_truong_thu_hai_tay_nguyen_2_20240628110320_3.jpg)
Tung pơla mê, mâu tơdroăng xơpá ‘na hyôh kong prâi, yă têa châu têa kơxăng to kơnâ ƀă hên ki ê hiăng tơdjâk troh hên kơvâ cheăng kâ dêi kong pơlê tung la ngiâ.
Viết bình luận