Leh tơbâ kố ai inâi “Ing Pơtăm tơdroăng pơkâ tơdjuôm rêh ối hơniâp lĕm troh mơjiâng Pơlê pơla veăng pêi pro tơdroăng cheăng tung la ngiâ kuăn mơngế”. Veăng ai mâ a Leh tơbâ ai lối 100 ngế kăn, tơmối ki châ krếo thế, tung mê ai lối 20 ngế kăn pơkuâ kong têa, Ngế pro xiâm hnê ngăn tơnêi têa ƀă kăn xiâm pơkuâ dêi mâu kong têa, rơtế ƀă khu ki rơkê plĕng, khu ki hriâm, vâi krâ ki rơkê, tơrŭm tơroâ.

Pôa Nông Đức Mạnh tối nhên, tung troăng hơlâ tơpui kâ tơniăn krê, pê pro krê xêh, hên tơdroăng, hơ’lêh tơdroăng, Việt Nam môi tuăn ƀă hbrâ rơnáu veăng kơhnâ tung tơdroăng tơchĕng tơmiât rơkê dêi rêm pâ, tung mê, ai mâu tơdroăng tơmiât pêi tung lâp plâi tơnêi dêi Sinuâ, ƀă ki xiâm pơkâ mơ’no xua ki pơxúa tơdjuôm dêi tâi tâng kuăn mơngế, hơniâp lĕm ƀă rơkê dêi kuăn pơlê lâp plâi tơnêi, tơtro ƀă Luât Khu lâp kong têa, “Pơtăm tơdroăng pơkâ tơdjuôm rêh ối hơniâp lĕm” ƀă luât lâp plâi tơnêi.