Tơdroăng Tơkêa pro troăng kân Gia Nghiã- Chơn Thành, pro xiâm mơnhông cheăng kâ - rêh ối kơpong Tây Nguyên
Thứ bảy, 07:00, 29/06/2024
Tơplôu: Gương/VOV
Tơplôu: Gương/VOV
VOV4.Xơ Đăng - Kơxo hâi lơ 28/6, Kuô̆k hô̆i hiăng tơbleăng tơdroăng Pơkâ kĭ troăng rơhlâ ‘no liăn mơjiâng pro tơdroăng tơkêa bro troăng kân tơdrăng lĕm Peăng kơnhŏng - Peăng Hdroh - Peăng mâ hâi lu pơla Gia Nghiã (Dak Nông) - Chơn Thành (Bình Phước) ƀă hên kơxô̆ phĭu vâ.
Ƀă ki xŏn 128,8 km, kơxô̆ liăn vâ pro 25.500 rơtal liăn, troăng kân tơdrăng lĕm Gia Nghĩa - Chơn Thành pơxiâm pro tung hơnăm 2024, tiô tối hdrối kô pro klêi a hơnăm 2027, kô pá ai xếo troăng ki hâ ho, tơ’lêi vâ mơnhông cheăng kâ, cho xiâm vâ mơnhông cheăng kâ rêh ối, tơniăn cheăng lêng kring gak kơpong Tây Nguyên ƀă Đông Nam Bộ.
Pôa Ngô Thanh Danh, Kăn hnê ngăn Đảng kong pơlê, Ngế pơkuâ Khu kăn Kuô̆k hô̆i kong pơlê Dak Nông tối tiah kố, kô cho troăng ki xiâm vâ mơnhông tâi tâng tơdroăng cheăng kâ - rêh ối, cheăng lêng, kring gak tơnêi têa ƀă tŭm tơdroăng tung rêh ối pơlê pơla ôh tá xê to Dak Nông mê tá lâp kơpong Tây Nguyên.
Viết bình luận