Diâp pơkâ dêi Khu xiâm pơkuâ tơdroăng kal kí ăm pôa Nguyễn Hữu Đông, pôa Phan Đình Trạc, Ngế cheăng tung xiâm pơkuâ tơdroăng kal kí, Kăn pơkuâ ngăn tíu xiâm Đảng, ngế xiâm pơkuâ Khu cheăng tơnêi têa tối nhên, tơkâ luâ hên tíu pêi cheăng pôa Nguyễn Hữu Đông đi đo châ mơnhên tối cho kăn ƀô̆ ai tuăn mơno tơdrăng, túa tơmiât khên tơnôu ‘na kal kí, đi đo mơdêk tơdroăng ki djâ troăng ahdrối hiâm mơno pôu râng dêi hnoăng cheăng dêi ngế kăn ƀô̆, đảng viên, ai túa pêi cheăng rơkê, tơniăn krê tro pơkâ.

Tơpui drêng xo pêi dêi hnoăng cheăng pôa Nguyễn Hữu Đông, kăn phŏ pơkuâ ngăn tíu xiâm Tơnêi têa ăm ‘nâ xo dêi hnoăng cheăng pêi ki nếo cho hâk tơngăm kân la xuân cho hnoăng cheăng ki hngăm. Rơhêng vâ pơtối châ tơdroăng ki tơmâng ngăn, tŏng kum pơkuâ, hnê mơhno đi đo dêi Khu xiâm pơkuâ tơdroăng kal kí, Khu pơkuâ ngăn tíu xiâm tơnêi têa, Khu pơkuâ tơdroăng cheăng Tơnêi têa ƀă tơdroăng tŏng kum dêi mâu khu xiâm, kơvâ cheăng Tơnêi têa, tơdroăng ki tơrŭm tŏng kum ing mâu vâi pú pơkuâ, kăn ƀô̆, kong chưk, viên chưk tung kơ koan Khu cheăng Tơnêi têa vâ tơná pôa pêi klêi tro hnoăng cheăng châ pơcháu.