A Leh pleăng mơheăm, rơxông ối nếo 2 kong pơlê Kon Tum ƀă Đồng Nai diâp 400 kơxuô tơmeăm ăm mâu vâi hdrêng dêi cheăm Đăk Kôi, tơring Kon Rẫy ƀă tâi tâng ki kơnâ 100 rơtuh liăn; diâp 100 plâ hmân ếo ƀă 50 hnoăng liăn hriâm rơkê, rêm kơxuô 500 rơpâu liăn ăm hok tro ai tơdroăng rêh ối pá puât.

Roh kố Khu pơkuâ Đoân Droh rơtăm Đồng Nai xuân hiăng diâp “Hngêi tuăn pâ” kơnâ 70 rơtuh liăn ăm rơpŏng jâ Y Hà ối a thôn 9, cheăm Đăk Kôi; tŏng kum kơmăi khăm ngăn mơheăm kơtâu têi, pơkeăng ki tô kơnâ 33 rơtuh ăm kuăn pơlê tung cheăm; diâp 25 pul on kơtâu ƀă mâ hâi ăm troăng kân “Bâ eăng troăng pơlê” kơnâ lối 37 rơtuh liăn.