Kơxo lơ 28/6, Liên đoàn Lao động kong pơlê Dak Lak tơkŭm po tơdroăng trâm mâ, diâp liăn hriâm rơkê ăm kuăn muăn dêi đoân viên, kong chưk, viên chưk, ngế pêi cheăng ai tơdroăng rêh ối pá puât. Tơdroăng kố hiăng diâp 103 hnoăng liăn hriâm rơkê ƀă kơlo 1 rơtuh liăn diâp ăm hok tro ai tơdroăng rêh ối pá puât hriâm rơkê, kơlo 1,5 rơtuh liăn ƀă hok tro kuăn tê.

Kố cho mâu hok tro ki châ rah xo ing 21 tíu cheăng kong đoân râ kơpêng. Châ xo liăn hriâm rơkê rôh kố, o Lâm Tâm Như, hok tro lâm 9D, hngêi trung râ má pea Nguyễn Văn Cừ, pơlê kong kơdrâm Ƀuôn Ma Thuột, ai nôu cho kŏng nhân dế pêi cheăng a Kŏng ti pêi cheăng tiô rơnó Môi trường Đông Phương tối tiah kố: Liăn hriâm rơkê kố gum á ai tơ’nôm ivá vâ hriâm rơkê chiâng ngế ki ai pơxúa ăm pơlê pơla, kum nôu pâ hmiân tuăn pêi cheăng. Xuân a tơdroăng kố, mâu vâi o châ ngăn bro xiêk, veăng tung tơdroăng tơkuăm a kong ƀă trâm mâ tơpui tơno ƀă hên mâu vâi pú.