Tung 9 khế hiăng hluâ, kơlo tơtêk dêi kong pơlê Kon Tum châ lối 7%, hên tâ kơlo tiah hmâ tơdâng dêi lâp tơnêi têa ƀă hên má môi kơpong Tây Nguyên. Xo hnoăng liăn ngân tơnêi têa châ lối 2.300 rơtal liăn, châ 51% pơkâ pêi. Mơ’no liăn ngân tơnêi têa châ dâng 958 rơtal liăn, châ lối 41% tâng pơchông ƀă kơxô̆ liăn tung pơkâ pêi cheăng châ pơcháu.

Vâ pêi kêi đeăng pơkâ mơnhông cheăng kâ – rêh ối pơlê pơla hơnăm 2024, tung 3 khế pơtối dêi hơnăm kong pơlê Kon Tum dế trâm hên pá puât. Ki nhên kơlo tơtêk dêi kong pơlê châ sap ing 9,34% tơngi klêng; Xo hnoăng liăn ngân tơnêi têa tung kong pơlê thế châ 2.000 rơtal liăn. Khu pơkuâ Đảng ƀô̆ kong pơlê Kon Tum hiăng môi tuăn troăng pêi vâ tơkŭm pêi pro tung mâu khế pơtối dêi hơnăm.