Kong pơlê Kon Tum ai hên têa kroăng, têa krông ki rơ-iêo ƀă hrĭng to rơchoăng, long têa hngêi kơmăi on tơhrik ki trâu ki kân. Tơdroăng ki klâk têa hmâ trâm hên má môi cho ƀă vâi hdrêng cho a rơnó pơtê hriâm. Va rak tơniăn ăm vâ chê 168 rơpâu ngế hok tro dêi kong pơlê tung rơnó pơtê hriâm hơnăm kố, kong pơlê Kon Tum krếo thế rem râ pơkuâ, mâu kơvâ cheăng, hngêi trung, rơpŏng hngêi ƀă tâ tâng pơlê pơla mơdêk séa ngăn vâ kơdroh tơdroăng ki klâk têa, malối cho tơdroăng ki klâk têa ƀă vâ hdrêng.

Kong pơlê kô mơhnhôk tâi tâng mâu hngêi trung, tíu hnê hriâm klê têa nôkố, tơkuô̆m hnê klê têa, tơbleăng ƀă hnê tối ‘na tơdroăng ki hbrâ mơdât klâk têa ăm vâi hdrêng; tơdrêng amê hlối krếo thế pro tơdjâk hiâm mơno rơhêng vâ hriâm klê têa tung pơlê pơla vâ hbrâ ví xâu xía.