Tiô pôa Đỗ Văn Chiến, vâ hbrâ ăm Hneăng hôp má 7, Kuô̆k hô̆i hneăng má XV, Khu Kăn hnê ngăn Vi ƀan xiâm Măt trâ̆n Tơnêi têa Việt Nam hiăng tơdah châ 63/63 tơbleăng tiâ tối rơkong tơpui tối, pâ thế dêi kuăn pơlê ki ai hnoăng tâ phĭu ƀă kuăn pơlê dêi Khu hnê mơhno má môi Vi ƀan Măt trâ̆n Việt Nam mâu kong pơlê, pơlê kong kơdrâm; 37/63 tơbleăng dêi mâu khu râ kăn teăng mâ Kuô̆k hô̆i; 23 tơbleăng dêi mâu khu tơrŭm cheăng; 16 rơkong veăng tơpui tối, pâ thế dêi mâu kăn cheăng tung Khu hnê ngăn Vi ƀan xiâm Măt trâ̆n Tơnêi têa Việt Nam, ƀă tâi tâng kơxô̆ 1.502 roh rơkong tơpui tối.

Pôa Đỗ Văn Chiến tối nhên, kuăn pơlê ai hnoăng tâ phĭu ƀă kuăn pơlê kheăn kơdeăn tơdroăng hbrâ mơdât kâ kơhveăm liăn ngân, tơdroăng ki ôh tá lĕm tro ing pơkuâ dêi Đảng pơtối châ tơƀrê kal khât, tâi tâng, ‘’tơpui tối thế pêi pro adrêng’’, cho ôh tá ai kơpong mơdât, ngế ki lâi xôi thế pôu râng dêi tơdroăng xôi, mơhé ngế ki mê cho kơbố; mâu kơ koan cheăng ôh tá xê to tơleăng teăm tơdrêng, kơtăng, tro ƀă mơngế ki pro xôi mê ối xo tơvêh tâi tâng tơmeăm ăm Tơnêi têa.