Kơ’nâi pái hâi pêi cheăng ƀă hên tơdroăng kal, malối cho tơdroăng ‘na mơngế pêi cheăng, tiô tơdroăng pêi cheăng, hâi kố lơ 23/5 Kuô̆k hô̆i  pơxiâm pêi cheăng hâi má pŭn Rôh hôp má 7, Kuô̆k hô̆i hneăng 15 ƀă hâi tơpui tơno a tôh ‘na tơdroăng: Khĕn kơdeăn tơ’nôm tơdroăng hiăng pêi pro tiô pơkâ mơnhong cheăng kâ - rêh ối ƀă liăn ngân Tơnêi têa hơnăm 2023; tơdroăng pêi tiô pơkâ mơnhông cheăng kâ-rêh ối ƀă liăn ngân tơnêi têa mâu khế apoăng hơnăm 2024.

Peăng kơxo, mâu kăn tơpui tơno a tôh ƀă tơdroăng cheăng pêi thế ‘nâi kơdĭng liăn tơmeăm, mơdât mơ’nhiê liăn hmâng vâ hơnăm 2023; Tối mâu tơdroăng hiăng pêi pro dêi tơnêi têa ‘na ôh tá pơrah pơla kơdrâi kơnốu hơnăm 2023. Peăng kong xêi, Kuô̆k hô̆i  tơpui tơno a hngêi hôp kân tối ‘na tơdroăng hiăng klêi séa ngăn tơleăng mơnhên tơdroăng pâ thế dêi kuăn pơlê pơtroh ăm Rôh hôp má 6, Kuô̆k hô̆i hneăng 15; Mâu kăn cheăng tung Chin phuh ƀă mâu kơ koan, mâu ngế ki tơdjâk troh tối nhên mâu tơdroăng ‘na mâu kăn Kuô̆k hô̆i nếo tối.