Pôu râng hnoăng dêi Ngế pro xiâm hnê ngăn Chin phuh tơbleăng Mơ-éa tơbleăng, pôa Nguyễn Chí Dũng, Ngế xiâm Khu xiâm pơkâ túa cheăng ƀă Mơ’no liăn cheăng tối ăm ‘nâi, tơdroăng mơjiâng tơ’nôm mâu troăng pơkâ pêi, troăng hơlâ ki phá tơ-ê vâ pêi pro mâu pơkâ kơxô̆ 39 dêi Khu xiâm kal kí, vâ mơnhông tơmeăm ki ai hlâu, ki tơ’lêi vâ mơnhông kong pơlê Nghệ An rĕng ƀă krá tơniăn, cho tíu xiâm dêi kơpong Bắc Trung Bộ ‘na tê mơdró, logistics, khăm pơlât, hnê hriâm ƀă hnê mơjiâng tuăn ngôa rơkê, khoa hok ƀă kŏng ngê̆, kơmăi kơmok ƀă pêi chiâk deăng xúa kŏng ngê̆ rơxông nếo.

Thăm xing xoăng râ, xing xoăng hnoăng, mơdêk ki hbrâ, mơdêk pôu râng hnoăng cheăng dêi khu râ kăn pơkuâ kong pơlê Nghệ An, tơdrêng amê rak tơniăn hnoăng séa ngăn dêi Kuô̆k hô̆i, Chin phuh, Hô̆i đong kuăn pơlê mâu râ dêi kong pơlê Nghệ An. Tơbleăng séa ngăn ‘na mơ-éa chêh hdrối tơdroăng pơkâ.

Pôa Lê Quang Mạnh, Kăn pơkuâ Vi ƀan pơkuâ liăn ngân, Liăn ngân dêi Kuô̆k hô̆i tối ăm ‘nâi, Vi ƀan pơkuâ liăn ngân tối ăm ‘nâi, tơdroăng Chin phuh tơbleăng Kuô̆k hô̆i séa ngăn, pơkâ ƀă mơ-ea chêh hdrối tơdroăng pơkâ dêi Kuô̆k hô̆i ‘na mơnúa tơ’nôm mâu troăng pơkâ pêi, troăng hơlâ ki phá tơ-ê mơnhông kong pơlê Nghệ An cho ai tiô kal kí, tiô luât ƀă tro hnoăng pơkuâ.

Xuân tung kơxo lơ 31/5, Kuô̆k hô̆i tơmâng Mơ-éa tơbleăng ƀă tơbleăng séa ngăn mơ-éa chêh hdrối Pơkâ ‘mâi rơnêu, tơ’nôm Pơkâ dêi Kuô̆k hô̆i ‘na mơnúa tơkŭm po troăng pêi khu râ kăn pơkuâ tíu kơdrâm kuăn pơlê rêh ối tê mơdró ƀă mâu troăng pơkâ pêi, troăng hơlâ ki phá tơ-ê mơnhông pơlê kong kân Đà Nẵng.