Hluâ hên xôh tơpui tơno a mâu roh hôp, hneăng hôp hdrối, troh nôkố xuân ối hên rơkong tơpui phá tơ-ê dêi pó a mâu roh hôp, hneăng hôp hdrối, troh nôkố xuân ối ai hên rơkong tơpui phá tơ-ê dêi pó rơtâ tá pơkâ ‘na xo liăn ƀaoh hiêm pơlê pơla 1 xôh, mơhé khu rah chêh hiăng tơmâng xo, ‘mâi rơnêu troăng pêi mơ’no hdrối mê.

Tiô tơdroăng tơkêa bro Luât Ƀaoh hiêm pơlê pơla (‘mâi rơnêu) tơbleăng Kuô̆k hô̆i roh kố, tơdroăng ki xo liăn ƀaoh hiêm pơlê pơla môi xôh ƀă mơngế tá hâi tŭm péa chât hơnăm nâp ƀaoh hiêm pơlê pơla ai 2 troăng. Troăng má 1, mơngế pêi cheăng châ klâ péa khu. Pơtối mê, khu ngế pêi cheăng pơxiâm veăng rôe ƀaoh hiêm pơlê pơla ing hâi Luât kố ai xêt khât mê ôh tá chiâng xo liăn ƀaoh hiêm pơlê pơla môi xôh.

Troăng má 2: Mơngế pêi cheăng châ xo liăn ƀaoh hiêm pơlê pơla môi iâ laga ki hên cho ôh tá hluâ 50% tâi tâng hâi khế hiăng nâp liăn a kơxô̆ liăn pơtê cheăng xua hơnăm hiăng krâ ƀă liăn tŏng kum mơngế rôe ƀaoh hiêm.