Tơdroăng châ kuăn pơlê rơhêng vâ ‘nâi plĕng cho tung tơdroăng tơkêa bro luât roh kố tơ’nôm hơkê ki heăn pro rong mơngế tung khu pháu hnêa ki tơ’lêi. Tiô Khu xiâm Kŏng an, tung pơla kố nah, tơdroăng xúa ôh tá tro luât hnêa ki pro xêh, pháu hnêa ki tơ’lêi vâ mơnhâu ƀă pro tơdroăng ki xôi hlo ai hên.

Tung 5 hơnăm hiăng hluâ hiăng châ hlo vâ chê 17.000 roh, rup lối 26.000 ngế xúa hơkê ki heăn vâ pro tơdroăng ki xôi ƀă ôh tá xâu kơbố, khên tơnôu, pro kuăn pơlê tô tuăn. Tơdroăng ki ăm hlo drêng séa ngăn mâu roh ăm hlo, bu pơxâu phak kân drêng ai tŭm tơdroăng mơnhên mơgêi ƀă mơngế ki pro xôi ƀă mâu ngế xôi ki ê, ôh tá pơxâu phak ƀă mâu ngế ki chôu ‘măn ôh tá tro luât pháu hnêa, xua luât nôkố ôh tá pơkâ hơkê cho ôh tá môi tiah pháu hnêa.

Hlá mơ-éa chêh hdrối luât dế tơbleăng Kuô̆k hô̆i tơpui tơno, bu pơkâ hơkê ai heăn cho môi tiah pháu hnêa drêng ngế ki râng xúa tung tơdroăng xôi luât; Tâng xúa hơkê tung pêi cheăng, pêt mơjiâng tơmeăm, xúa tung tơdroăng rêh ối mê ôh tá ối tung tơdroăng ‘mâi hơ’lêh dêi luât kố.