Pơtối pêi cheăng a rôh hôp má 7, Kuô̆k hô̆i hneăng 15, hâi lơ 30/5, Kuô̆k hô̆i pơxiâm pêi cheăng rôh má 10 ƀă mâu tơdroăng ki kal tơdjâk troh tơdroăng séa ngăn dêi Kuô̆k hô̆i hơnăm 2025; Tơdroăng mơjiâng Luât, luât pơkâ hơnăm 2025, ‘mâi hơ’lêh Tơdroăng mơjiâng luât, luât hơnăm 2024; pơkâ liăn ngân tơnêi têa; Luât pêi cheăng ƀă kơmăi kơmok ‘na lêng, kring tơniăn ƀă mơhnhôk cheăng ƀă kơmăi kơmok.

A poăng hôp a kơxo, Kuô̆k hô̆i tơmâng Ngế chêh tôm xo rơkong dêi Kuô̆k hô̆i tơbleăng tơdroăng chêh tối ƀă tối hdrối tơdroăng séa ngăn dêi Kuô̆k hô̆i hơnăm 2025; ƀă tơkŭm tơpui tơno a hngêi hôp kân ‘na tơdroăng vâ po Tơdroăng séa ngăn mê. Pơtối mê, Ngế cheăng tung Vi ƀan Pơkuâ Kuô̆k hô̆i, Ngế pơkuâ Vi ƀan ngăn ‘na Luât dêi Kuô̆k hô̆i tơbleăng ‘na tơdroăng vâ pêi pro dêi Tơdroăng mơjiâng luât, luât hơnăm 2025, ‘mâi hơ’lêh Tơdroăng mơjiâng luât ƀă luât pơkâ hơnăm 2024.

Klêi tối tơbleăng dêi Kăn pơkuâ Vi ƀan ngăn ‘na luât dêi Kuô̆k hô̆i, Kuô̆k hô̆i tơpui a hngêi hôp kân ‘na mâu tơdroăng tơdjâk troh tơdroăng pêi cheăng.