Tơdroăng gum loăng plâi xông rơdêi klêi kơ’nâi têa kân lân lu châ pơxiâm pêi pro a cheăm Cát Tiên ƀă Cát Tiên 2, tíu ai hrĭng hectar sầu riêng tro têa lân lu. Kăn ƀô̆ Tíu xiâm Mơhnhôk pêi chiâk deăng kong pơlê Lâm Đồng tơdrêng amê hnê mơhno pêi pro mơ’no têa lân vâ tŏng gum kơdrum loăng plâi, tơdrêng amê, pêi pro mâu troăng xôh pơkeăng kơdê kơmeăn, pro rêi têi, pôe trốu tơkâng, rơvât phon ƀă hbrâ mơdât pơreăng ton xŏn.

Rơtế ƀă hnê mơhno kih thuât, Tíu xiâm Mơhnhôk pêi chiâk deăng kong pơlê Lâm Đồng xuân tơrŭm ƀă mâu tíu cheăng, khu tê mơdró tŏng gum mâu pơkeăng sinh hok, tơmeăm gum pêi chiâk deăng gum kuăn pơlê rĕng kum loăng xông kân. Lâp kong pơlê Lâm Đồng nôkố ai 42.500 hectar plâi sầu riêng, tung mê, hên ƀăng deăng châ pêt a mâu kơpong a nâi kơpong peăng hdroh kong pơlê.