A leh tơbâ, pôa Trần Thanh Mẫn, Kăn xiâm hnê ngăn Kuô̆k hô̆i tối nhên, 80 hơnăm cho môi hneăng ki khên tơnôu, la xuân cho tơdroăng ki pơxiâm ăm hneăng ki nếo. Tơnêi têa pin pơxiâm mot tung chal ki mơnhông nếo ƀă khŏm mơ-eăm, pói rơhêng vâ mơjiâng tơnêi têa kro mơdrŏng, rơkê, hơniâp lĕm; mơjiâng Đảng cho krúa lĕm khât, krá rơdêi; ai tuăn mơno, tơdroăng tơmiât krá rơdêi.

Kăn xiâm hnê ngăn Kuô̆k hô̆i loi khât tiah kố: tâi tâng kăn pơkuâ, kăn ƀô̆, đảng viên, ngế pêi cheăng dêi Nhà xuất bản Chính trị quốc gia Sự thật pơtối mơdêk khôi hmâ tơrŭm, pơhlêh nếo, tơmiât pêi rơkê, pêi klêi tơdroăng cheăng châ pơcháu, veăng gum tung hnoăng cheăng mơjiâng Đảng ƀă tơdroăng cheăng mơjiâng ƀă rak vế krá rơdêi Tơnêi têa Việt Nam xah hô̆i chuh ngiah.