Kơpong tơkăng kong pơla Gia Lai ƀă mâu kong pơlê ki xŏn lối  418 km, tơnêi tíu rơ-iô. Kơ’nâi 8 hơnăm kĭ tơhrâ tơrŭm, mâu khu râ pơkuâ cheăng hiăng tơkŭm lối 1.800 hdrôh măng tĭng lăm ngăn, tăng ngăn, châ hlo 565 rôh ngế pro xôi luât rak kong. Tâi tâng  tơnêi kong ki tro ko ‘nhiê lối 45.000 m2, xo tơvêh lối 600 m3 loăng ƀă pơxâu phâk lối 2 rơtal liăn.

Kơpong achê tíu tơkăng kong tơring Krông Pa, Sông Hinh ƀă Krông Năng ai tíu ki “ôh tá tơniăn” khu ‘mêi hmâ ko ‘nhiê kong, malối cho kơpong rak ngăn kong Ea Sô. A  rôh hôp, mâu kăn tối, ki xiâm khoh chiâng ai khu ‘mêi ko ‘nhiê kong cho luât pơkâ, luât pơkâ tŏng kum ôh tá tơxâng, luât pơkâ pơxâu phâk hâi kơtăng ôh tá tơxâng vâ hnê  hlôu, pơxâu phâk, xua ôh rá rơkê ƀeăn dêi mâu ngế pơkuâ rak ngăn kong.

Tơdroăng rak ngăn kong ối hên tơvâ tơvân, kal thế mâu pơlê, cheăm, tơring, mâu kơvâ cheăng pơtối tơmâng tăng ‘nâi plĕng mâu pơkâ dêi Đảng ƀă Chin phuh, tơrŭm krá tâ ƀă pêi pro tơdrêng mâu troăng rơhlâ.