![Tơplôu: A Sa Ly/VOV](/themes/custom/vov_4/images/avatar.png)
Tung peăng kơxo, hok tro pro ƀai tơ’noăng Ngưh văn tiô troăng tư̆ luâ̆n, chôu pro ƀai 120 phut. Peăng kơxê hok tro tơ’noăng môn toăn tiô troăng trắc ngiê̆m, chôu pro ƀai 90 phut. Ngưh văn cho môi tơ’noăng tư̆ luâ̆n tung mâu môn tơ’noăng mơgêi râ má pái râ má pái phôh thong 2024 ƀă cho môi châ ngăn môi tiah ‘’kơtâ vĕ’’ kum mâu vâi o ai roh mơdêk tâi tâng kơxô̆ điêm dêi tơná.
![Mâu hok tro hbrâ mot tơ’noăng môn ngưh văn](https://vov4-media.solidtech.vn/sites/default/files/styles/large/public/2024-06/T.3-%29-thu_tuc_du_thi_.jpg)
Tiô Khu xiâm pơkuâ hnê hriâm ƀă hnê mơjiâng, ko ƀai tơ’noăng môn Ngưh văn tơ’noăng mơgêi râ má pái phôh thong hơnăm 2024 kô ai tơdroăng ki pơhlêh hên tâng pơchông ƀă mâu hơnăm hdrối ƀă ki hên cho ối tung tơdroăng lâm 12. Pôa Phạm Ngọc Thưởng, Ngế xiâm phŏ pơkuâ hnê hriâm ƀă hnê mơjiâng tuăn ngôa rơkê pói vâ mâu hok tro rak ivá, loi tơngah mot hneăng tơ’noăng, pro ƀai tiô tro mâu tơdroăng ki hiăng pơtâp, tiô hnê mơhno dêi thái cô ƀă pêi pro tro pơkâ tơ’noăng vâ châ điêm hên môi tiah pói vâ.
Viết bình luận