Kố cho tơdroăng pêi mơhnhôk Khế tŏng gum vâi hdrêng, tơmiêt  troh Hâi rơpŏng Việt Nam (28/6). A tơdroăng pêi pro, mâu vâi o châ veăng hên tơdroăng, môi tiah: hnê mơhno tơdroăng ki rơkê tung rêh ối, tơdroăng pêi cheăng tiô khu; tơdroăng hbrâ ví trâm xía vâ, pơlât apoăng, Ki rơkê mơdât tơdroăng ki tâ rơrêk tung hiâm mơno – Mơ-eăm ing ivá tơná...

Tơdjêp vâ mâu vâi o châ tối dêi tơdroăng tơmiât, tơdroăng ki tâ tung hiâm mơno ƀă mơhno tơdroăng tuăn pâ ƀă mâu “ngế nôu păn roăng’’ – mâu tíu ki hgiên hiăng tŏng kum ‘na kế tơmeăm khoăng, hiâm mơno vâ kum mâu vâi o tơkâ hluâ pá puât, ai tơ’nôm ivá vâ hriâm tâp. Khu tơkŭm po xuân diâp ăm 120 ngế vâi hdrêng kuăn tê, diâp kơxô̆ liăn mơjiâng 2 toăng hngêi Tuăn pâ, 20 hnoăng liăn hriâm rơkê ƀă tâi tâng kơnâ lối 250 rơtuh liăn.